२०८२ कात्तिक १ गते २०:४० 
News Summary
Generated by OK AI. Editorially reviewed.- चेल्सीले प्रिमियर लिगमा नटिङहम फरेस्टलाई ३-० ले पराजित गरेको छ।
- फरेस्टको प्रशिक्षक एन्जे पोस्टेकोग्लुलाई ८ खेलमा जितविहिन भएपछि बर्खास्त गरिएको छ।
- पोस्टेकोग्लु ३९ दिनमै फरेस्टको प्रशिक्षक पदबाट हटाइएका हुन्।
१ कात्तिक, काठमाडौं । दोस्रो हाफमा तीन गोल गर्दै चेल्सीले प्रिमियर लिगमा शनिबार नटिङहम फरेस्टलाई ३-० ले पराजित गरेको छ ।
फरेस्टको मैदानमा भएको खेलमा चेल्सीका लागि जोसुअ अचेमपोङले ४९औं, पेड्रो नेटोले ५२औं र रिस जेम्सले ८४औं मिनेटमा गोल गरे ।
मालो गुस्तोले ८७औं मिनेटमा रातो कार्ड पाएपछि फरेस्टले दश खेलाडीमा रहेर खेलको अन्त्य गरेको थियो ।
चेल्सीसँग पराजित भएको केही मिनेटपछि नै फरेस्टले मुख्य प्रशिक्षक एन्जे पोस्टेकोग्लुलाई बर्खास्त गरेको छ ।
६० वर्षीय पोस्टेकोग्लु गत महिना नुनो इस्प्रिरितोको स्थानमा फरेस्टको प्रशिक्षक बनेका थिए । तर ८ खेलमा जितविहिन भएपछि ३९ दिनपछि नै उनी बर्खास्तीमा परे ।
प्रतिक्रिया 4