विप्लवको आशंका : के ‘अमेरिकी-नेपाली-तिब्बतीयन सेना’ बन्न लागेको हो ?

२ कात्तिक, काठमाडौं । नेपाल कम्युनिस्ट पार्टीका महासचिव विप्लवले नेपालमा जेनजी आान्दोलनमा देखिएको टी‌ओबी समूहको संलग्नताप्रति आपत्ति जनाउँदै नेपालमा ‘अमेरिकी-नेपाली-तिब्बतीयन सेना’ बनाउन त खोजिएको होइन भन्दै शंका व्यक्त गरेका छन् ।

पार्टीका निर्णय सार्वजनिक क्रममा उनले आइतबार यस्तो आशंका गरेका हु्न् ।

उनले भने,’अहिले टीओबो भन्ने समूह देखिएको छ । हतियार देखाएको छ । अहिले अमेरिकाको प्रत्यक्ष हस्तक्षेप भएको छ । कतै अमेरिकी-नेपाली-तिब्बतीयन सेना’ बनेको त होइन ?’

महासचिव चन्दले अहिले सविधान लेखन आयोग बनाउनुपर्ने बताए । उनले यस्ता व्यक्तिहरूमाथि सुशीला कार्की नेतृत्वको सरकारले छानबिन गर्ने हैसियत नराख्ने बताए

विप्लवले सर्वपक्षीय अन्तरिम सरकारको माग समेत गरेका छन् । अन्तरिम सरकार खारेज अथवा यसैलाई टेकेर अन्तरिम सरकार बनाउनुपर्ने  उनको माग छ ।

‘हामीले भनेका छौं सर्वपक्षीय अन्तरिम सरकार गठन गर्नुपर्छ । त्यसमा जेनजीका प्रतिनिधिहरू प्रत्यक्ष सहभागी बन्नुपर्छ,’ उनले भने, ‘नेपालका उत्पीडित मजदुर, किसान, दलित, महिला, जनजाति, मधेश, पहाड, बुद्धिजिवी, वैज्ञानिक व्यवसायीहरू सहभागी हुनुपर्छ ।’

यो पनि पढ्नुहोस

विप्लव नेतृत्वको नेकपाले उद्योग सञ्चालन गर्ने

सर्वपक्षीय सरकारमा राजनीतिक दलहरू पनि सहभागी हुनुपर्ने विप्लवले प्रस्ताव गरेका छन् ।

उनले उच्च स्तरीय संविधान सुधार आयोग गर्ने र त्यस मार्फत संविधान संशोधन गर्नुपर्ने एजेन्डा पनि राखेका छन् ।

‘उच्च स्तरीय संविधान सुधार आयोग, संविधान संशोधन गरिनुपर्छ । शासकीय स्वरुप बदल्नुपर्छ,’ विप्लवले भनेका छन्, ‘पूर्ण समानुपातिक बनाउनुपर्छ, प्रत्यक्ष निर्वाचन हुने शासकीय स्वरुप निर्माण गरिनुपर्छ । अनि चुनावमा जानुपर्छ ।’

उच्च स्तरीय भ्रष्टाचार छानबिन आयोग बनाएर जेनजी आन्दोलनको समेत माग पूरा गर्नुपर्ने उनले बताएका छन् ।