गृहमन्त्री अर्यालको अभिव्यक्ति आपत्तिजनक : कांग्रेस नेता विश्वकर्मा

फाइल तस्वीर

२ कात्तिक, काठमाडौं । नेपाली कांग्रेसका नेता मीन विश्वकर्माले गृहमन्त्री ओमप्रकाश अर्यालको पछिल्लो अभिवयक्तिप्रति आपत्ति जनाएका छन् ।

गृहमन्त्री अर्यालले जेनजी आन्दोलनका क्रममा लुटिएका हतियार र कारागारबाट भागेका कैदी आगामी चुनावमा प्रयोग नगर्ने भनेर दलहरूले प्रतिबद्धता जनाउनुपर्ने भनेको भन्दै पार्टीको सूचना, सञ्चार तथा प्रचार विधाग प्रमुख समेत रहेका विश्वकर्माले आपत्ति जनाएका हुन् ।

‘यिनी गृहमन्त्री नै हुन् ? कि यिनको मुखबाट अरू कोही बेल्दैछ ? आक्रमण, आगजनी, तोडफोड र लुटपाटको बलमा आफैँ मन्त्री हुने ! भागेका कैदीबन्दी, लुटिएका हतियार र प्रहरीका बर्दी नखोज भन्ने अनि चुनावमा प्रयोग नगर्ने प्रतिबद्धता चाहिँ दलहरूले गरिदिनु पर्ने ? विचरा,’ विश्वकर्माले सामाजिक सञ्जाल फेसबुकमा लेखेका छन् ।

सिंहदरबारमा आइतबार बसेको केन्द्रीय सुरक्षा समितिको बैठकपछि सञ्चारकर्मीहरुसँग कुरा गर्दै गृहमन्त्री अर्यालले निर्वाचनको वातावरण निर्माण गर्न दलहरूले समाजमा रहेका अपराधीहरूलाई दुरुपयोग नगर्ने प्रतिवद्धता व्यक्त गर्नुपर्ने प्रतिक्रिया दिएका थिए ।

यो पनि पढ्नुहोस