२०८२ कात्तिक १४ गते ११:५९ 
News Summary
Generated by OK AI. Editorially reviewed.- अखिल नेपाल फुटबल संघको कार्यसमितिको आपतकालिन भिडियो कन्फेरेन्स बैठक आज दिउँसो १ बजे बस्ने भएको छ।
- बैठकमा वरिष्ठ उपाध्यक्ष वीरबहादुर खड्कालाई अनुशासनको कारवाही गर्ने एजेन्डा राखिएको छ।
- महासचिव किरण राईलाई लिखित स्पष्टीकरण नदिएको भन्दै खड्काले उनलाई निलम्बन गरेका थिए।
१४ कात्तिक, काठमाडौं । अखिल नेपाल फुटबल संघ (एन्फा) कार्यसमितिको आपतकालिन भिडियो कन्फेरेन्स बैठक आज दिउँसो १ बजे बस्ने भएको छ ।
बैठकमा वरिष्ठ उपाध्यक्ष वीरबहादुर खड्कालाई अनुशासनको कारवाही गर्ने सम्बन्धी एजेन्डा राखिएको छ ।
एन्फाका महासचिव किरण राईले कार्यसमितिका उपाध्यक्ष, सदस्य लगायतलाई पत्र पठाउँदै भिडियो कन्फेरेन्सका लागि गुगल मिटको लिंक पनि पठाएका छन् । पत्रमा वरिष्ठ उपाध्यक्षलाई भने सम्बोधन गरिएको छैन ।
दिउँसो १ बजेका लागि तय गरिएको एन्फाको आपतकालिन भिडियो कन्फेरेन्स मिटिङका लागि सदस्यहरुलाई बिहान साढे ११ बजेपछि मात्रै इमेलमार्फत पत्र पठाएर जानकारी दिइएको छ ।
पछिल्लो समय एन्फा कार्यसमितिभित्रै असन्तुष्टि र विवाद देखिँदै आएको छ ।
केही साताअघि एन्फा अध्यक्ष पंकज विक्रम नेम्वाङ एक कार्यक्रममा साउदी अरेबिया पुगेका बेला कार्यवाहक अध्यक्षको हैसियतमा वीर बहादुर खड्काले महासचिव किरण राईलाई तीन दिन भित्र लिखित स्पष्टीकरण माग गरेका थिए ।
तर राईले स्पष्टिकरण नबुझाएपछि खड्काले महासचिव राईलाई निलम्बन गरेका थिए ।
नेम्वाङ स्वदेश फर्किएपछि खड्कालाई लिखित स्पष्टीकरण माग गरेकामा उनले बिहीबार स्पष्टीकरण बुझाएका थिए ।
प्रतिक्रिया 4