न्युयोर्कका नवनिर्वाचित मेयर ममदानीले नेपाली रेष्टुरेन्टमा खाए म:म

२० कात्तिक, काठमाडौं । विश्वको आर्थिक राजधानी मानिने अमेरिकाको न्युयोर्कको मेयरमा निर्वाचित भएपछि चर्चामा आएका जोहरन ममदानीले नेपाली रेष्टुरेन्टमा पुगेर म:म खाएका छन् ।

मेयरमा निर्वाचित भएपछि उनी बुधबार ज्याक्सन हाइट्सस्थित ‘लालीगुराँस बिस्ट्रो’ नामक नेपाली रेष्टुरेन्टमा ‘लञ्च’ का लागि पुगेका हुन् । ३४ वर्षीय ममदानीले नेपाली रेष्टुरेन्टमा खाजा खाँदै गरेको तस्बिर आफ्नो एक्स (ट्विटर) अकाउन्टमा सेयर गरेका छन् ।

तस्बिरहरुमा उनका अगाडि म:म लगायतका परिकार देखिन्छ ।

‘मेयरमा निर्वाचित भएपछि पहिलो दिन बिहानैका अन्तर्वार्ता, बैठक र अन्य तयारीमा बित्यो’ उनले लेखेका छन्, ‘तर, मेरा सांसद एओसी (एलेक्जान्द्रिया ओकासियो–कोर्टेज) सँगको लञ्च विशेष रह्यो ।’

उनले गौतम बुद्धको फोटोको अघिल्तिर उभिएर फोटो पनि खिचाएका छन् । ‘लालीगुराँस बिस्ट्रो’ नामक नेपाली रेष्टुरेन्ट नेपालीमाझ चर्चित छ ।

उनले त्यहाँ पहिलो मुस्लिम र दक्षिण एशियाली मूलका मेयर बन्न सफल ममदानीलाई निर्वाचनमा अमेरिकी राष्ट्रपति डोनाल्ड ट्रम्पले हराउन भरपूर प्रयास गरेका थिए । तर ३४ वर्षीय ममदानी न्यूयोर्कका पूर्व गभर्नर एन्ड्रयू कुमो र रिपब्लिकन कर्टिस स्लिवालाई पराजित गर्दै शहरको पहिलो मुस्लिम मेयर बनेका हुन् ।

जनवरी १ मा पदभार ग्रहण गरेपछि उनी एक शताब्दीभन्दा बढी समयमा न्युयोर्कका सबैभन्दा कान्छा मेयर पनि बन्नेछन्। उनी न्युयोर्कको मेयर बन्ने पहिलो दक्षिण एशियाली मूलका र अफ्रिकामा जन्मेका पहिलो व्यक्ति बनेका छन् ।

यो पनि पढ्नुहोस

चुनाव जितेपछि ममदानी : शहरका ‘डोनाल्ड ट्रम्पहरू’ लाई जवाफदेही बनाउनेछौं