पोखरा एभेन्जर्सबाट एनपीएल खेल्न नेपाल आइपुगे जिमी नीशम

१ मंसिर, काठमाडौं । न्युजिल्याण्डका अलराउण्डर जिमी नीशम नेपाल प्रिमियर लिग (एनपीएल) खेल्न काठमाडौं आइपुगेका छन् । नीशमले पोखरा एभेन्जर्सबाट एनपीएल खेल्नेछन् । उनी अघिल्लो सिजनमा पनि जनकपुर बोल्ट्सबाट एनपीएल खेल्नका लागि आएका थिए  ।

उनलाई विमानस्थलमा भव्य स्वागत गरिएको थियो ।

नेपाल आएपछि नीशमले जनकपुर बोल्ट्सबाट एनपीएल खेल्न उत्साहित रहेको बताए ।

३५ वर्षीय अलराउण्डर निशम टेष्ट राष्ट्रबाट अनुबन्ध हुने ठूला नाममध्येमा पर्छन् । यस्तै एनपीएल २०२५ का लागि अनुबन्ध हुने उनी न्युजिल्याण्डका तेस्रो खेलाडी हुन् ।

निशमले न्युजिल्याण्डका लागि १२ टेष्ट, ७६ ओडीआई र ९३ टी–२० आई खेलेका छन् ।

उनले टी२०आईमा १४९.६२ को स्ट्रारेटमा १ हजार १० रन बनाएका छन् । जसमा उनको व्यक्तिगत उच्च स्कोर अविजित ४८ रन हो । यस्तै बलिङमा टी२०आईमा ५६ विकेट लिएका छन् । जसमा उनको उत्कृष्ट प्रदर्शन ५-२२ रहेको छ ।

विश्व चर्चित इन्डियन प्रिमियर लिग ९आईपीएल०देखि विश्वका विभिन्न फ्रेन्चाइज लिगहरु समेत खेलेको अनुभव छ । उनले आईपीएलमा दिल्ली, पञ्जाव, मुम्बई र राजस्थानबाट खेलेका छन् भने ६ फरक टिमबाट इंग्ल्याण्डको भाइटालिटी ब्लास्ट खेलेको अनुभव छ ।

यस्तै बिग बास लिग, क्यारेबियन प्रिमियर लिग,  पाकिस्तान सुपर लिग, बंगलादेश प्रिमियर लिग, एसए२०, हन्ड्रेड क्रिकेट लगायत खेलेका छन् ।

उनले सबैखाले टी२० मा गरी ३१९ खेलमा ४ हजार ४९६ रन बनाएका छन् भने २६९ विकेट लिएका छन् ।

सन् २०१९ को वानडे विश्वकप र २०२१ को टी२० विश्वकपमा न्युजिल्याण्ड उपविजेता बन्दा निशम टिमको सदस्य थिए । यस्तै निशमले २०२४ मा अमेरिका र वेष्टइन्डिजमा भएको टी२० विश्वकप पनि खेलेका थिए ।

टी२० विश्वकप पछि उनले यसै वर्ष मार्चमा टी२० टिममा पुनरागमन गरेका थिए । त्यसपछि ब्याटिङमा खासै अवसर बनाएपनि उनले बलिङमा गज्जब गरेका छन् । पाकिस्तान विरुद्ध मार्चमा उनले एकै खेलमा ५ विकेट लिएका थिए ।

उनले पछिल्लो पटक यही नोभेम्बरमा १३ मा वेष्ट इन्डिज विरुद्ध घरेलु मैदानमा खेलेका थिए । जसमा उनले २ विकेट लिएका थिए ।

निसमको आगमनपछि पोखरा एभेन्जर्सको टिम उत्साहित बनेको छ । उनको आगमनले ब्याटिङ र बलिङ दुवैमा फाइदा पुग्ने पोखरा एभेन्जर्सको विश्वास छ ।

कुशल भुर्तेल मार्की रहेको पोखराले यसअघि नै मिडियम पेस बलिङ अलराउण्डर रेमन रेइपर र डान डौथवेइटलाई अनुबन्ध गरिसकेको छ । यस्तै इंग्लिस विकेटकिपर ब्याटर एडम रोसिङ्गटनलाई पनि अनुबन्ध गरेको छ ।