६१ मेगावाटको नारखोलामा कुमारी बैंकको अगुवाइमा ५ बैंकले लगानी गर्ने

News Summary

Generated by OK AI. Editorially reviewed.

कुमारी बैंकको अगुवाइमा मनाङमा ६१.११ मेगावाटको नार खोला जलविद्युत आयोजना निर्माणका लागि वित्तिय ऋण लगानी सम्झौता भएको छ।
नार खोला हाइड्रो इनर्जीले नार खोला र सोती खोलाको पानीलाई एकीकृत गरी आयोजना निर्माण प्रक्रिया अघि बढाएको छ।
आयोजनाको कुल लागत १२ अर्ब ८४ करोड रहेको छ, जसमा बैंकको कर्जा ९ अर्ब ६३ करोड र स्वपूँजी ३ अर्ब २१ करोड रहेको छ।

१६ मंसिर, काठमाडौं । कुमारी बैंकको अगुवाइमा सिंगटी हाइड्रोेको मुख्य लगानी हुनेगरी मनाङमा ६१.११ मोगावाटको नार खोला जलविद्युत आयोजना निर्माणका लागि वित्तिय ऋण लगानी सम्झौता भएको छ ।

सोमबार आयोजित एक कार्यक्रममा नार खोला हाइड्रो इनजी का अध्यक्ष बटु लामिछाने र कुमारी बैंकका प्रमुख क्षेत्रीय कर्जा अधिकृत अर्पण पोखरेलले संयुक्त रुपमा लगानी सम्झौतामा हस्ताक्षर गरे ।

मनाङस्थित नार्पा भूमि र नासो गाउँपालिकामा रहेको नार खोला र सोती खोलाको पानीलाई एकीकृत गरी ६१.११ मेगावाटको जलविद्युत् आयोजना निर्माण प्रक्रिया अघि बढाइएको हो ।

आयोजनाको प्रवर्द्धन कम्पनी नार खोला हाइड्रो इनर्जीले आयोजना निर्माणका लागि सबै प्रक्रिया पूरा भएको जनाएको छ ।

नेपाल विद्युत् प्राधिकरणसँग यसअघि नै विद्युत् खरिद सम्झौता (पीपीए) भैसकेको उक्त आयोजना, कुमारी बैंकको अगुवाई तथा नेपाल एसबिआई बैंकको सह–अगुवाईमा कृषि विकास बैंक, एनआईसी एसिया बैंक र मुक्तिनाथ विकास बैंक सदस्य बैंकको रुपमा लगानी गर्ने गरी वित्तीय व्यवस्थापन टुङ्गिएको हो ।

कुल लागत १२ अर्ब ८४ करोड रहेको यस आयोजनामा बैंकको कर्जा ९ अर्ब ६३ करोड र स्वपूँजी ३ अर्ब २१ करोड रहेको छ, जसमध्ये सिंगटी हाइड्रो इनर्जी लिमिटेडको मुख्य लगानी रहने कम्पनीले जनाएको छ ।