राष्ट्रपति ट्रम्पलाई शान्ति पुरस्कार कसले दियो ?

News Summary

Generated by OK AI. Editorially reviewed.

अमेरिकाका राष्ट्रपति डोनाल्ड ट्रम्पलाई फिफा विश्वकप २०२६ को समूह चरणको खेल तालिका सार्वजनिक समारोहमा शान्ति पुरस्कार प्रदान गरिएको छ।
फिफा अध्यक्ष जियानी इन्फेन्टिनोले गाजा युद्धविराम प्रयासका लागि ट्रम्पलाई नोबेल शान्ति पुरस्कार मिल्नुपर्ने बताइसकेका छन्।
ट्रम्पले कयौं युद्धहरू रोक्न महत्वपूर्ण भूमिका निर्वाह गरेको भन्दै आफूलाई नोबेल शान्ति पुरस्कार दिइनुपर्ने इच्छा जाहेर गरेका छन्।

२० मंसिर, काठमाडौं। अमेरिकाका राष्ट्रपति डोनाल्ड ट्रमलाई शान्ति पुरस्कार प्रदान गरिएको छ ।

फिफा विश्वकप २०२६ को समूह चरणको खेल तालिका सार्वजनिकका लागि आयोजित समारोहमा उनलाई शान्ति पुरस्कार प्रदान गरिएको हो ।

अमेरिकी राष्ट्रपति ट्रम्प फिफाको शान्ति पुरस्कारका लागि पहिलेबाट नै मजबुत दाबेदार मानिन्थे । न्युज एजेन्सी पीटीआईका आुनसार ट्रम्प र फिफा अध्यक्ष जियानी इन्फेन्टिनोबीच निकट सम्बन्ध छ ।

इन्फेन्टिनोले यसअघि नै गाजा युद्धविरामको प्रयासका लागि ट्रम्पलाई नोबेल शान्ति पुरस्कार मिल्नुपर्ने बताइसकेका छन् ।

राष्ट्रपति ट्रम्प लामो समयदेखि नोबेल शान्ति पुरस्कारका लागि इच्छा जाहेर गर्दै आएका छन् । कयौं युद्धहरू रोक्न महत्वपूर्ण भूमिका निर्वाह गरेका कारण आफूलाई नोबेल शान्ति पुरस्कार दिइनुपर्ने उनको भनाइ छ ।