एनसेलको नयाँ ९७१ नम्बर रेन्जको सिम वितरण सुरु

News Summary

Generated by OK AI. Editorially reviewed.

एनसेलले मंसिर २२ देखि नयाँ नम्बर रेन्ज ९७१ बाट मोबाइल सिमकार्ड उपलब्ध गराउन थालेको छ।
नेपाल दूरसञ्चार प्राधिकरणले जेठमा एनसेललाई नयाँ नम्बर रेन्ज वितरण अनुमति दिएको थियो।
नयाँ नम्बर रेन्ज राष्ट्रिय नम्बरिङ वितरण योजनाअनुसार जारी गरिएको कम्पनीले जनाएको छ।

मंसिर २२, काठमाडौं । एनसेलले आम उपभोक्ताहरुको सुविधाका लागि सोमबार (मंसिर २२)बाट नयाँ नम्बर रेन्ज ९७१ बाट सुरु हुने मोबाइल नम्बरको सिमकार्ड उपलब्ध गराउन थालेको छ ।

नेपाल दूरसञ्चार प्राधिकरणले गत जेठमा एनसेललाई यो रेन्जका नम्बर वितरण गर्नका लागि अनुमति प्रदान गरेको थियो ।

यो नयाँ रेञ्जका नम्बर प्राधिकरणको राष्ट्रिय नम्बरिङ वितरण योजना (नेसनल नम्बरिङ अलोकेसन प्लान)को नियम अनुरुप जारी भएको हो । प्राधिकरणद्वारा यसअघि जारी नम्बर रेन्ज ९८०, ९८१, ९८२, ९७० मार्फत सेवा अपुग भएकोले नयाँ नम्बर रेञ्ज प्रदान गरिएको कम्पनीले जनाएको छ ।

‘बजारको अवस्थालाई ध्यानमा राखी नयाँ नम्बर रेञ्जको अनुमति प्रदान गरेकोमा हामी प्राधिकरणप्रति आभारी छौं’, एनसेलका चिफ कन्जुमर विजनेस अफिसर उपङग् दत्तले भने ।