२०८२ मंसिर २८ गते २१:१० 
News Summary
Generated by OK AI. Editorially reviewed.- स्पिन इभेन्ट्स र स्पिन टेबलटेनिस क्लबको आयोजनामा पाँचौं अल नेपाल अन्तर वडा राष्ट्रिय टेबलटेनिस प्रतियोगिता मंगलबारदेखि सुरु हुने भएको छ।
- प्रतियोगितामा पुरुष/महिला सिंगल्ससहित ११ स्पर्धामा ४५० खेलाडीले प्रतिस्पर्धा गर्नेछन् र ३ स्पर्धामा बाहेक सबैमा नगद पुरस्कार राखिएको छ।
- प्रतियोगितालाई अनरले मुख्य प्रायोजन गर्नेछ भने एनआईइसी कन्सल्टेन्सी र एभरेष्ट फेसनले सह–प्रायोजन गर्नेछन् र पाँचदिने खेल लैनचौरस्थित राष्ट्रिय टेबलटेनिस प्रशिक्षण केन्द्रमा हुनेछन्।
२८ मंसिर, काठमाडौं । स्पिन इभेन्ट्सको व्यवस्थापन तथा स्पिन टेबलटेनिस क्लबको आयोजनामा पाँचौं अल नेपाल अन्तर वडा राष्ट्रिय टेबलटेनिस प्रतियोगिता मंगलबारदेखि हुने भएको छ ।
प्रतियोगितामा पुरुष/महिला सिंगल्ससहित विभिन्न ११ स्पर्धामा प्रतिस्पर्धा हुने आयोजक क्लबका अध्यक्ष सुमन शाक्यले आइतबार आयोजित पत्रकार सम्मेलनमा जानकारी गराए । ३ स्पर्धामा बाहेक सबैमा नगद पुरस्कार राखिएको छ ।
प्रतियोगितामा ४ सय ५० खेलाडीको सहभागिता रहने जानकारी दिइयो । प्रतियोगितालाई अनरले मुख्य प्रायोजन गर्ने भएको छ भने एनआईइसी कन्सल्टेन्सी र एभरेष्ट फेसनले सह–प्रायोजन गर्ने भएका छन् । पत्रकार सम्मेलनमा सो सम्बन्धी सम्झौता पत्रमा पनि हस्ताक्षर गरिएको थियो ।
पदक संख्याका आधारमा १ वडालाई टिम च्याम्पियन घोषणा गरिने छ । पाँचदिने प्रतियोगिताका खेलहरु लैनचौरस्थित राष्ट्रिय टेबलटेनिस प्रशिक्षण केन्द्रमा खेलाइने छ ।
प्रतिक्रिया 4