हलमा लागे ‘झरीपछिको इन्द्रेणी’ र हलिउडको ‘अवतार ३’

News Summary

Generated by OK AI. Editorially reviewed.

नेपाली फिल्म ‘झरीपछिको इन्द्रेणी’ शुक्रबारदेखि देशभरका हलमा प्रदर्शनमा आएको छ।
‘झरीपछिको इन्द्रेणी’ भ्रष्टाचारविरुद्ध लड्ने पात्रहरूको कथामा आधारित सोसल ड्रामा हो।
हलिउड फिल्म ‘अवतार ३’ पनि शुक्रबारदेखि प्रदर्शनमा आएको छ र यसको रनटाइम १९७ मिनेट छ।

काठमाडौं । शुक्रबारदेखि देशभरका हलमा नेपाली भाषाको फिल्म ‘झरीपछिको इन्द्रेणी’ र हलिउडको बहुप्रतीक्षित ‘अवतार ३’ प्रदर्शनमा आएका छन् ।

पाका अभिनेता गणेश उप्रेतीले ९ वर्षपछि पुनरागमन गरेको फिल्म ‘झरीपछिको इन्द्रेणी’ लाई सोसल ड्रामा जनरामा राखिएको छ । अर्जुन घिमिरेको डेब्यू निर्देशन रहेको फिल्मको रनटाइम १४० मिनेट र सर्टिफिकेट युनिभर्सल छ ।

पारिवारिक कथावस्तुको यो फिल्म भ्रष्टाचारविरुद्ध लड्ने पात्रहरूको कथावस्तुमा आधारित छ । सुशासन र सहि प्रणाली स्थापना गर्नको लागि पात्रले गर्ने संघर्षको चित्रण यसमा छ ।

गणेश उप्रेतीसहित दीपाश्री निरौला, रमेश उप्रेती, सरिता गिरी लगायतको अभिनय यसमा छ । पछिल्लो समय र्‍यापर बालेनले गाएको ओएसटी गीतको कारणले पनि यो फिल्म चर्चामा छ ।

अवतार : फायर एण्ड एस’

विश्वचर्चित हलिउड श्रृंखला ‘अवतार’ को तेस्रो श्रृंखला हो । जेम्स क्यामरुन निर्देशित विज्ञान कथामा आधारित यो फिल्म काल्पनिक पाण्डोरा ग्रहको कथावस्तुमा आधारित छ ।

उक्त ग्रहका आदिवासीले आफ्नो भूगोल र संस्कृति जोगाउन गर्ने संघर्ष, पृथ्वीबाट गएका मानिससँगको लडाइको कथा यसमा छ । तपाईंले ‘अवतार’ का अघिल्ला दुई श्रृंखला हेर्नुभएको छ भने यो फिल्म रुचिकर हुनसक्छ ।

१९७ मिनेट रनटाइमको यो फिल्ममा साम वर्थिङ्टन, जोय साल्दाना, सिगौर्नी वीभर, स्टीफन ल्याङ, केट विन्सलेटको अभिनय छ ।