कतिमा किनबेच भइरहेछ लसुन ?

News Summary

Generated by OK AI. Editorially reviewed.

कालीमाटी फलफूल तथा तरकारी बजार विकास समितिले सार्वजनिक गरेको तथ्यांक अनुसार बजारमा सुकेको लसुनको मूल्य घटेको छ।
पछिल्लो दुई सातामा लसुनको मूल्य ३०.२६ देखि ७३.२६ प्रतिशतसम्म बढेको थियो, तर चार दिनमा चिनियाँ लसुनको औसत मूल्य २६.२१ प्रतिशतले घटेको छ।
गत शुक्रबार चिनियाँ लसुन प्रतिकिलो औसत ४ सय ५६ रुपैयाँमा किनबेच भएको थियो भने आज सोमबार यसको मूल्य ३ सय ३६ रुपैयाँ कायम छ।

२२ पुस, काठमाडौं । बजारमा सुकेको लसुनको मूल्य घटेको छ । कालीमाटी फलफूल तथा तरकारी बजार विकास समितिले सार्वजनिक गरेको तथ्यांकले लसुनको मूल्य ओरालो लागेको देखाएको हो ।

बजारमा चिनियाँ र नेपाली गरी दुई प्रकारका लसुन किन्न पाइन्छ । पछिल्लो दुई सातामा सुकेको लसुनको मूल्य ह्वात्तै बढेको थियो । दुई साता अवधिमा लसुनको मूल्य ३०.२६ देखि ७३.२६ प्रतिशतसम्म बढेको थियो ।

गएको शुक्रबार (१८ पुस) मा चिनियाँ लसुन प्रतिकिलो थोकमा न्यूनतम ४ सयदेखि अधिकतम ५ सय र औसतमा ४ सय ५६ रुपैयाँसम्म पुगेको थियो । चार दिनको अवधिमा चिनियाँ लसुन औसतमा प्रतिकिलो २६.२१ प्रतिशतसम्म घटेको छ । आज सोमबार उक्त लसुनको मूल्य ३ सय ३६ रुपैयाँ कायम छ ।

यस्तै नेपाली लसुनको मूल्य पनि १९.७० प्रतिशतले घटेको छ । गत शुक्रबार नेपाली लसुन प्रतिकिलो थोकमा न्यूनतम २ सय २० देखि अधिकतम २ सय ८९ र औसत २ सय ४७ रुपैयाँमा किनबेच भएको थियो ।

आज मंगलबार भने नेपाली लसुनको मूल्य प्रतिकिलो १ सय ९८ रुपैयाँ कायम छ ।