समस्याग्रस्त सहकारी समिति सदस्य काफ्लेको राजीनामा

News Summary

Generated by OK AI. Editorially reviewed.

भूमि व्यवस्था, गरिबी तथा सहकारी मन्त्रालयले स्पष्टीकरण सोधेपछि सहकारी व्यवस्थापन समितिका सदस्य महेशप्रसाद काफ्लेले राजीनामा दिएका छन्।
सरकारले काफ्लेको राजीनामा स्वीकृत गरी रिक्त पदमा कुलप्रसाद न्यौपानेलाई नियुक्त गर्ने निर्णय गरेको छ।
मन्त्रालयले पदाधिकारीहरूले दिएको जवाफ अध्ययन गरेको र कार्यालयका काम ठप्प रहेको जनाएको छ।

२३ पुस, काठमाडौं । भूमि व्यवस्था, गरिबी तथा सहकारी मन्त्रालयले स्पष्टीकरण सोधेपछि समस्याग्रस्त सहकारी व्यवस्थापन समितिका सदस्य महेशप्रसाद काफ्लेले राजीनामा दिएका छन् ।

सहकारी ठगलाई नै समितिको कार्यालयले जोगाउने भूमिका खेलेको भन्दै सहकारी पीडित आन्दोलित भएपछि सरकारले सबै पदाधिकारीलाई स्पष्टीकरण सोधेको थियो । मन्त्रालयले सोधेको स्पष्टीकरणमा जवाफ दिएका काफ्लेले करिब एक महिनापछि राजीनामा दिएका हुन् । उनको राजीनामा सरकारले स्वीकृत पनि गरिसकेको छ ।

नेपाल सरकार मन्त्रिपरिषद्को मंगलबारको बैठकले काफ्लेको राजीनामा स्वीकृत गरेको हो । साथै उक्त रिक्त पदमा कुलप्रसाद न्यौपानेलाई नियुक्त गर्ने निर्णय सरकारले गरिसकेको छ । मन्त्रालयले सोधेको स्पष्टीकरणमा अन्य पदाधिकारीले भने जवाफ बुझाएका छन् । उनीहरुले सरकारको निर्णय पर्खेर बसेका छन् ।

मन्त्रालयले पनि पदाधिकारीहरूले दिएको जवाफलाई अध्ययन गरेको जनाएको छ । मन्त्रालयले स्पष्टीकरण सोधदेखि कार्यालयका काम ठप्प छ । मन्त्रालयले पदाधिकारीलाई स्पष्टीकरण सोधको एक महिना बितिसकेको छ ।