पशुपतिनाथ दर्शनमा पुगे सञ्जय दत्त, आजै दिल्ली फर्किने

News Summary

Generated by OK AI. Editorially reviewed.

बलिउड अभिनेता सञ्जय दत्त विहिबार अपरान्ह निजी जेटमार्फत दुबईबाट काठमाडौं आएका छन्।
सञ्जय दत्तले पशुपतिनाथ मन्दिरमा दर्शन गरी विशेष पूजा गर्ने स्रोतले जनाएको छ।
सञ्जय दत्तले नेकपा संयोजक पुष्पकमल दाहाललाई भेटेका छन् र लाजिम्पाटको दुसित प्रिन्सेस होटलमा बसेका थिए।

काठमाडौं । बलिउड स्टार सञ्जय दत्त पशुपतिनाथ दर्शनको लागि पुगेका छन् । कडा सुरक्षाबीच सञ्जय दर्शनको लागि पशुपतिनाथको मन्दिरमा पुगेका हुन् ।

उनले पशुपतिमा विशेष पूजा गर्ने स्रोतले जनाएको छ ।

निजी जेट लिएर अभिनेता दत्त विहिबार अपरान्ह दुबईबाट काठमाडौं आएका हुन् । पशुपतिनाथको दर्शनपछि उनी नयाँ दिल्ली फर्किने तयारीमा छन् ।

उनी विहिबार राती लाजिम्पाटको दुसित प्रिन्सेस होटलमा बसेका थिए । हिजै खुमलटार पुगेर नेकपा संयोजक पुष्पकमल दाहाललाई भेटेका थिए । दाहालकी नातिनी स्मिताको विवाहमा आउन नपाएको र चाँडै आउने वचन दिएका उनी यसपटक भेट्न खुमलटार पुगेका हुन् ।

सञ्जयले विहिबार राती होटल बाराहीले संचालनमा ल्याएको बादशाह क्यासिनो उद्घाटन गरेका थिए । काठमाडौं आउने वित्तिकै धेरै नेपाली कलाकारले संजयसँग फोटो खिचाएका छन् ।

रोचक के छ भने, अहिले नेपालका हलमा संजय अभिनित दुई फिल्म ‘धुरन्धर’ र ‘द राजा साब’ प्रदर्शनमा छन् । द राजा साब आजदेखि मात्रै रिलिज भएको हो ।