मुस्लिम समुदायबाट न्युन उम्मेदवारी

News Summary

Generated by OK AI. Editorially reviewed.

समानुपातिक तर्फ ११० जनाको बन्दसूची बुझाउँदा प्रत्येक दलले कम्तीमा पाँच जना मुस्लिम समुदायबाट पठाउनैपर्छ।
प्रत्यक्ष तर्फ १६५ वटै क्षेत्रमा उम्मेदवार उठाउने दलबाट मुस्लिम समुदायका उम्मेदवार चार जना भन्दा बढी परेका छैनन्।
नेपाली कांग्रेस, नेकपा (एमाले), राष्ट्रिय स्वतन्त्र पार्टी, नेपाली कम्युनिष्ट पार्टी र राष्ट्रिय प्रजातन्त्र पार्टीले विभिन्न क्षेत्रबाट मुस्लिम समुदायका उम्मेदवार उठाएका छन्।

७ माघ, काठमाडौं । समानुपातिक तर्फ ११० जनाको बन्दसूची बुझाउँदा प्रत्येक दलले कम्तीमा पाँच जना मुस्लिम समुदायबाट पठाउनैपर्छ ।

तर प्रत्यक्ष तर्फ १६५ वटै क्षेत्रमा उम्मेदवार उठाउने दलबाट समेत मुस्लिम समुदायका उम्मेदवार चार जना भन्दा बढी परेका छैनन् ।

नेपाली कांग्रेसले बारा ३ मा सहमहामन्त्री फर्मुल्लाह मन्सुर र कपिलवस्तु १ मा अहतर कलाम मुसलमानलाई उठाएको छ ।

नेकपा (एमाले)बाट महोत्तरी २ मा कासिम नदाफ, पर्सा ४ मा जालिम मियाँ अन्सारी र बाँके २ मा मोहम्मद इतिस्याक राईको उम्मेदवारी परेको छ ।

त्यस्तै, राष्ट्रिय स्वतन्त्र पार्टीले रहबर अन्सारीलाई बारा ४, शेख सगिरलाई रौतहट २ र ताफिक अहमद खानलाई रुपेन्देही ५ मा उम्मेदवार बनाएको छ ।

नेपाली कम्युनिष्ट पार्टीले चार जनालाई उम्मेदवार बनाएको छ । यो पार्टीबाट

सुनसरी ४ मा महमद मोहफुज अन्सारी, रुपन्देही ३ मा फैज अहमद खान, रुपन्देही ५ मा वकिल मुसल्मान र कपिलवस्तु ३ मा एहसन अहमद खाँ उठेका छन् ।

राष्ट्रिय प्रजातन्त्र पार्टीले रुपन्देही ५ मा अहमद्दिन खानलाई उठाएको छ ।