प्रदीप खड्काले किने ७५ लाख पर्ने विद्युतीय गाडी

News Summary

Generated by OK AI. Editorially reviewed.

अभिनेता प्रदीप खड्काले ७५ लाख रुपैयाँ मूल्य पर्ने ‘दीपाल एसओ सेभेन’ ब्रान्डको विद्युतीय गाडी किनेका छन्।
प्रदीपले नेपाली बजार सुहाउँदो, किफायती र वातावरण संरक्षण हुने भएकाले ईभी गाडी लिएको बताए।
फिल्म ‘ऐरी’ को बाँकी छायांकनका लागि प्रदीप सोमबार चितवन पुगेका छन् र आगामी चैत अन्त्यसम्म छायांकन सकिने अपेक्षा छ।

काठमाडौं । अभिनेता प्रदीप खड्काले ७५ लाख रुपैयाँ मूल्य पर्ने ‘दीपाल एसओ सेभेन’ ब्रान्डको विद्युतीय गाडी किनेका छन् । पछिल्लो समय ईभी गाडीप्रति सेलिब्रेटी र सर्वसाधारणको रुचि बढ्दो छ । यो सूचीमा खड्का थपिएका हुन् ।

शुक्रबार चांगन नेपाल एमएडब्लुको नक्सालस्थित शो रुमबाट प्रदीपले गाडी लिएका हुन् । लामो समयदेखि उनले क्रेटाको गाडी चढ्दै आएका थिए ।

‘म आफै पनि ईभीतिर सिफ्ट हुन खोजिरहेको थिएँ । उहाँहरूले पनि इन्डोर्समेन्टको लागि अप्रोच गर्नुभयो’ प्रदीपले अनलाइनखबरसँग भने, ‘अफर राम्रो आएपछि गाडी किनेको हुँ ।’

नेपाली बजार सुहाउँदो, किफायती र वातावरण संरक्षण पनि हुने भएकाले आफूले ईभी गाडी लिएको प्रदीपले बताए ।

कामको कुरा गर्दा, फिल्म ‘ऐरी’ को बाँकी छायांकनको लागि प्रदीप सोमबार चितवन पुगेका छन् । आगामी चैत अन्त्यसम्म छायांकन सकिने अपेक्षा राखिएको यो फिल्मको बाँकी छायांकन चितवन, काठमाडौं र मुस्ताङको लोमान्थाङ क्षेत्रमा हुने तयारीमा छ ।