सुनिलको निधनमा राजेश : मेरो सिनेमा यात्रा तपाईंप्रति समर्पित गर्दछु

News Summary

Generated by OK AI. Editorially reviewed.

अभिनेता सुनिल थापाको ६८ वर्षको उमेरमा शनिबार बिहान निधन भएको छ।
अभिनेता राजेश हमालले थापालाई 'एकदमै राम्रो सहकर्मी' भन्दै श्रद्धाञ्जली व्यक्त गरेका छन्।
थापा र हमालले ३१ फिल्ममा सहकार्य गरेका थिए, जसमा भाउजु, देउकी, अपराध लगायत छन्।

काठमाडौं । अभिनेता सुनिल थापाको निधनमा प्रशंसक, सेलिब्रेटीदेखि राजनीतिज्ञसम्मले श्रद्धाञ्जली व्यक्त गरिरहेका छन् ।

थापासँगै दर्जनौं फिल्ममा सहकार्य गरेका अभिनेता राजेश हमालले थापा राम्रो सहकर्र्मी रहेको बताएका छन् ।

निधन लगत्तै सामाजिक सञ्जालमा हमालले लेखेका छन्, ‘सुनिल, तिमी एकदमै राम्रो सहकर्मी थियौ, तिमीले यस्तो खाली ठाउँ छोड्यौ जुन कहिल्यै भरिन सक्दैन । नेपाली सिनेमाको इतिहासमा तपाईं एउटा महत्वपूर्ण मोड हुनुहुन्छ । मेरो सिनेमा यात्रा म तपाईंप्रति समर्पित गर्दछु ।’

जुन फिल्ममा हमाल नायक हुन्थे, ती फिल्ममा थापा खलनायकको रुपमा प्रस्तुत हुन्थे । हिरो र भिलेनको रसायन यी दुई कलाबारबीच मिलेको देखिन्थ्यो ।

यी दुईजना कलाकारले ३१ फिल्ममा सहकार्य गरेका थिए जसमा भाउजु, देउकी, अपराध, चाहना, परिभाषा, सडक, ज्वाला, छोरी बुहारी, सिन्दुर पोते, भरिया, गाउँले, कान्छा लगायत छन् । पछिल्लोपटक सन् २०१४ को फिल्म ‘मुखौटा’ सँगै देखिएका थिए ।

थापाको शनिबार बिहान ६८ वर्षको उमेरमा निधन भएको हो ।