२०८२ चैत १८ गते २३:१९ 
News Summary
Generated by OK AI. Editorially reviewed.- दिल्ली क्यापिटल्सले समीर रिज्भी र ट्रिस्टन स्टब्सको शतकीय साझेदारीमा लखनउ सुपर जायन्ट्सलाई ६ विकेटले पराजित गरेको छ ।
- लनउले दिएको १४२ रनको लक्ष्य दिल्लीले १७ बल अगावै पूरा गरेको थियो, समीरले ७० रन र स्टब्सले ३९ रन बनाए ।
- दिल्लीले यो जितसँगै २ अंक जोडेर अंकतालिकामा तेस्रो स्थान हासिल गरेको छ ।
१८ चैत, काठमाडौं । समीर रिज्भी र ट्रिस्टन स्टब्सको शतकीय साझेदारी मद्दतमा दिल्ली क्यापिटल्सले लखनउ सुपर जायन्ट्सलाई पराजित गरेको छ ।
बुधबार भएको खेलमा दिल्लीले लखनउलाई ६ विकेटले पराजित गरेको हो । दिल्लीले दिएको १४२ रनको लक्ष्य लखनउले १७ बल अगावै पूरा गर्यो । ३ रन आवश्यक छँदा रिज्भीले छक्का प्रहार गरे ।
समीरले ४७ बलमा अविजित ७० रन बनाए भने स्टब्स ३२ बलमा ३९ रनमा अविजित रहे । २६ रनमा ४ विकेट गुमेको अवस्थाबाट दिल्लीका लागि समीर र स्टब्स मिलेर ११९ रनको साझेदारी गरे ।
लक्ष्य पछ्याउने क्रममा दिल्ली सुरुवातदेखि दबाबमा आएको थियो । ओपनर केएल राहुल पहिलो बलमै आउट हुँदा पथुम निसान्का १, नितिश राना १५ अनि कप्तान अक्षर पटेल शून्यमै आउट भएपछि दिल्ली २६-४ को अवस्थामा पुगेको थियो । त्यसपछि दिल्लीले विकेट गुमाएन ।
लखनउका लागि प्रिन्स यादवले २ विकेट लिँदा मोहम्मद शामी र मोहसिन खानले १-१ विकेट लिए ।
त्यसअघि टस हारेर ब्याटिङको निम्तो पाएको लखनउले १८.४ ओभरमा अलआउट हुँदै १४१ रन बनाएको थियो । अब्दुल समदले सर्वाधिक ३६ रन बनाए भने मिचेल मार्शले ३५ रन बनाए । शाहबाज अहमद १५ रनमा अविजित रहँदा मुकुल चौधरीले १४ रन बनाए ।
दिल्लीका लागि टी नटराजन र लुंगी एंगिडीले ३-३ विकेट लिए भने कुलदीप यादवले २ विकेट लिँदा कप्तान अक्षर पटेलले १ विकेट लिए ।
जितसँगै २ अंक जोडेको दिल्ली अंकतालिकामा तेस्रो स्थानमा छ ।
प्रतिक्रिया 4