२०८२ चैत २१ गते २१:१२ 
News Summary
Generated by OK AI. Editorially reviewed.- नेपाल ओलम्पिक कमिटीका अध्यक्ष जीवनराम श्रेष्ठले चीन जाने नेपाली क्लाम्बिङ टोलीलाई २१ चैत, काठमाडौंमा बिदाइ गरेका छन्।
- नेपालबाट तेन्जिङ बर्टिन राई, रोनक उप्रेती र स्वस्तिका चौधरी एसियाली क्लाइम्बिङ च्याम्पियनसिप र विश्व क्लाम्बिङ सिरिजमा प्रतिस्पर्धा गर्नेछन्।
- एसियाली क्लाइम्बिङ च्याम्पियनसिप अप्रिल ८ देखि १२ सम्म मिसान, चीनमा र विश्व क्लाम्बिङ सिरिज मे १ देखि ३ सम्म केकियाओ, चीनमा हुनेछ।
२१ चैत, काठमाडौं । जापानमा हुने २०औं एसियाली खेलकुदको छनोट प्रतियोगिता तथा विश्व च्याम्पियनसिपमा सहभागी हुन चीन जाने नेपाली क्लाइम्बिङ टोलीलाई नेपाल ओलम्पिक कमिटीका अध्यक्ष जीवनराम श्रेष्ठले शनिबार बिदाइ गरेका छन् ।
शनिबार आयोजित एक कार्यक्रममा श्रेष्ठले खेलाडीहरुलाई उच्च प्रदर्शनका लागि शुभकामना दिँदै बिदाइ गरे । दुवै प्रतियोगितामा नेपालबाट पुरुषमा तेन्जिङ बर्टिन राई र रोनक उप्रेती तथा महिलामा स्वस्तिका चौधरीले प्रतिस्पर्धा गर्नेछन् ।
एसियाली क्लाइम्बिङ च्याम्पियनसिप चीनको मिसानमा अप्रिल ८ देखि १२ तारिखसम्म हुनेछ । यस प्रतियोगितामा नेपालले बाउल्डर र लिड स्पर्धामा खेल्ने छ ।
जापानमा हुने २०औं एसियाली खेलकुदमा स्थान निश्चित गर्न शीर्ष १६ स्थानमा पर्नु पर्ने नेपाल क्लाम्बिङ स्पोर्ट एसोसिएसनका महासचिव सन्तोष माडेनले जानकारी दिए ।
त्यस्तै विश्व क्लाम्बिङ सिरिज मे १ देखि ३ तारिखसम्म चीनको केकियाओमा हुनेछ । यसमा बाउल्डर विधा मात्र समावेश छ ।
दुई प्रतियोगिताको बीचको अवधिमा खेलाडी प्रशिक्षणमा सहभागी हुने क्लाम्बिङ संघले जनाएको छ ।
प्रतिक्रिया 4