अर्थमन्त्री व्यक्तिगत रिसइबीको ढंगले प्रस्तुत भएको एमालेको आरोप

News Summary

Generated by OK AI. Editorially reviewed.

एमाले सांसद गणेशसिंह ठगुन्नाले करका दर हेरफेरको विषयमा अर्थमन्त्री डा. स्वर्णिम वाग्ले अमर्यादित रूपमा प्रस्तुत भएको आरोप लगाए ।
सांसद ठगुन्नाले आर्थिक विधेयकमा पन्ना हेरफेर भएको भन्दै सो विषयमा संसदीय छानबिनको माग गरे ।
पूर्वअर्थमन्त्री वर्षमान पुनले पनि अर्थमन्त्री वाग्लेले सांसदहरूलाई हेप्ने गरी बोलेको भन्दै ध्यानाकर्षण गराए ।

२९ जेठ, काठमाडौं । नेकपा एमालेका सांसद गणेशसिंह ठगुन्नाले करका दर हेरफेरको विषय उठाउँदा अर्थमन्त्री डा. स्वर्णिम वाग्ले व्यक्तिगत रिसइबीको ढंगले प्रस्तुत भएको बताएका छन् ।

‘अर्थमन्त्रीज्यू धेरै नै आक्रोशित हुनुभयो । व्यक्तिगत रिसइबीको ढंगले प्रस्तुत हुनुभयो’ ठगुन्नाले शुक्रबारको सार्वजनिक लेखा समिति बैठकमा भने, ‘ननसेन्स टाइपको शब्द समेत प्रयोग भएको छ । अर्मयादित धम्कीपूर्ण भाषा प्रयोग भएको छ ।’

आर्थिक विधेयकमा भएको करका दर हेरफेर र करका दर हेरफेरको सूचना चुहावटको विषयमा बिहीबार प्रतिनिधिसभा अन्तर्गतको सार्वजनिक लेखा समितिको बैठकमा छलफल भएको थियो । साथै प्रतिनिधिसभामै पनि यो विषयमा छलफल भएको थियो ।

जवाफका क्रममा अर्थमन्त्री वाग्लेले सांसदहरूलाई धम्की दिएको जस्तो भाषा प्रयोग गरेको भनेर एमाले ठगुन्नाले यो विषय उठाएका हुन् ।

अर्थमन्त्रीले भनेका कतिपय विषयले दुविद्धा उत्पन्न भएको उनले बताए । पान्ना हेरफेर सहितको विषयमा संसदीय छानबिन हुनुपर्ने माग उनले राखे ।

नेपाली कम्युनिस्ट पार्टीका सांसद तथा पूर्वअर्थमन्त्री वर्षमान पुनले पनि सांसदहरूलाई अर्थमन्त्री डा. वाग्लेले हेप्न गरी बोलेको भनेर ध्यानाकर्षण गराएका छन् ।