News Summary
Generated by OK AI. Editorially reviewed.- मुगुका २५ वर्षीय गणेश नेपालीको उपचारका क्रममा वीर अस्पतालमा शुक्रबार निधन भएको छ ।
- राहदानी विभागअगाडि महानगर प्रहरीले मोटरसाइकलमा ह्विल लक गरेपछि नेपालीले आत्मदाहको प्रयास गरेका थिए ।
- प्रतिनिधिसभा बैठकमा राष्ट्रिय स्वतन्त्र पार्टीका सचेतक प्रकाशचन्द्र परियारले घटनाको उच्चस्तरीय छानबिन र पीडित परिवारलाई क्षतिपूर्ति दिन माग गरेका छन् ।
२६ असार, काठमाडौं । गणेश नेपालीलाई श्रद्धान्जली दिँदै गर्दा संसद्मा राष्ट्रिय स्वतन्त्र पार्टीका सचेतक प्रकाशचन्द्र परियारले भूपी शेरचनको कविता सम्झिएका छन् ।
शुक्रबार प्रतिनिधिसभाको बैठकमा बोल्दै उनले गणेश नेपालीको निधनप्रति सदन स्तब्ध रहेको बताए । नेपालीप्रति हार्दिक समवेदन प्रकट गर्दै उनले भने, ‘यही सन्दर्भमा कवि भूपी शेरचनलाई सम्झन चाहन्छु ।’
सचेतक परियारले भूपी शेरचनको कविता पनि सुनाए, ‘मरेर शहीद हुनेहरू हो, जिएर त हेर । जिउन झन गाह्रो छ ।’
गणेश नेपालीको निधनको घटनाका राज्यले उच्चस्तरीय छानबिन गर्नुपर्ने उनको माग छ । उनले भनेका छन्, ‘र परिवारको लागि क्षतिपुर्ति, राहत, परिपुरण र भरणपोषणमा राज्यले उदार छाति देखाओस् ।’
मुगुका २५ वर्षीय गणेश नेपालीले बिहीबार त्रिपुरेश्वरस्थित राहदानी विभागअगाडि पेट्रोल छर्केर आत्मदाहको प्रयास गरेका थिए ।
करिब ५५ प्रतिशत शरीर जलेका उनको वीर अस्पतालको बर्न सेन्टरमा उपचार क्रममा उनको शुक्रबार मृत्यु भएको छ ।
भक्तपुरमा डेरा गरी श्रीमती र छोरीसँग बस्दै आएका गणेश राइड सेयरिङ एपमार्फत राइडरको काम गर्थे । आफूले रोकिराखेको मोटरसाइकलमा महानगर प्रहरीले ह्विल लक गरेर लैजाने प्रयास गरेपछि उनले आत्मदाहको प्रयास गरेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Imadol")
%20-%20Copy.jpg "House for Sale at Cozy Homes, Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4