२०८३ भदौ ५ गते १७:२५ 
News Summary
Generated by OK AI. Editorially reviewed.- ४६ वर्षका ब्राजिली फुटबलर रोनाल्डिन्होले इटालीको तेस्रो डिभिजन क्लब राभेनाबाट पुनः व्यावसायिक फुटबल खेल्ने घोषणा गरेका छन् ।
- उनले करियरको ३००औं गोल गर्ने लक्ष्य राख्दै आफू अझै राम्रो शारीरिक अवस्थामा रहेको बताएका छन् ।
- क्लब मालिक इग्नाजियो सिप्रियानीले रोनाल्डिन्होको आगमन टोलीलाई सफल बनाउन भएको दाबी गरेका छन् ।
५ भदौ, काठमाडौं । ब्राजिलका महान फुटबलर रोनाल्डिन्होले ४६ वर्षको उमेरमा पुनः व्यावसायिक फुटबलमा फर्किने घोषणा गर्दै करियरको ३००औं गोल गर्ने लक्ष्य रहेको बताएका छन् ।
सन् २०१५ मा खेल जीवन समाप्त गरेका रोनाल्डिन्हो अब इटालीको तेस्रो डिभिजन क्लब राभेनाबाट खेल्नेछन् । उनी खेलाडीसँगै क्लबका शेयरधनी पनि बन्ने भएका छन् ।
राभेनाको समुद्री तटमा आयोजित ‘रोनाल्डिन्हो डे’ कार्यक्रममा हजारौं समर्थकमाझ सार्वजनिक भएपछि उनले आफू अझै राम्रो शारीरिक अवस्थामा रहेको बताए ।
‘यदि मैले करियरको ३००औं गोल गर्न सकें भने त्यो झन् सुन्दर हुनेछ’ रोनाल्डिन्होले भने ।
क्लब मालिक इग्नाजियो सिप्रियानीले रोनाल्डिन्होको आगमन प्रचारका लागि नभई टोलीलाई सफल बनाउन भएको दाबी गरेका छन् । उनका अनुसार रोनाल्डिन्होको उद्देश्य अन्तिमपटक मैदानमा उत्रिएर सम्झनलायक गोल गर्नु हो ।
रोनाल्डिन्होले सन् २००२ मा ब्राजिललाई विश्वकप जिताएका थिए भने २००५ मा बालोन डी’ओर जितेका थिए । बार्सिलोना, पेरिस सेन्ट–जर्मेन र एसी मिलानबाट खेल्दै उनले विश्व फुटबलका सर्वकालीन उत्कृष्ट खेलाडीमध्ये आफ्नो स्थान बनाएका छन् ।
राभेनाले गत सिजन सिरी सीको समूह ‘बी’ मा तेस्रो स्थान हासिल गरेको थियो र यसपटक सिरी बीमा बढुवा हुने लक्ष्य राखेको छ ।
-बीबीसीबाट
प्रतिक्रिया 4