News Summary
Generated by OK AI. Editorially reviewed.- देशका रूपन्देही, सुनसरी, सिरहा, रूकुम पूर्व र सिन्धुलीमा ६ जना व्यक्ति मृत अवस्थामा फेला परेका प्रहरीले जनाएको छ ।
- रूपन्देहीको लुम्बिनी साँस्कृतिक नगरपालिका–१२ मा दानो नदी छेउमा अन्दाजी ६ वर्षीया बालिका शनिबार मृत अवस्थामा भेटिएकी छिन् ।
- सुनसरी, सिरहा, रूकुम पूर्व र सिन्धुलीमा क्रमशः ३० वर्षीय राजाराम ऋषीदेव, अज्ञात शव, ३४ वर्षीय पुरुष, ६० वर्षीय बिर बहादुर पुन र ६३ वर्षीय मंगोलधोज थिङ मृत फेला परेका छन् ।
७ भदौ, काठमाडौं । देशका विभिन्न जिल्लामा ६ जना व्यक्ति मृत अवस्थामा फेला परेका छन् ।
नेपाल प्रहरीको केन्द्रीय समाचार कक्षले आइतबार दिउँसो जारी गरेको बुलेटिन अनुसार, रूपन्देही, सुनसरी, सिरहा, रूकुम पूर्व र सिन्धुलीमा गरेर ६ जना व्यक्ति मृत अवस्थामा भेटिएका हुन् ।
प्रहरीका अनुसार, रूपन्देहीको लुम्बिनी साँस्कृतिक नगरपालिका–१२ स्थित दानो नदीको छेउमा हाल नाम, थर र वतन नखुलेका अन्दाजी ६ वर्षीया बालिका शनिबार मृत अवस्थामा फेला परेकी छिन् ।
त्यस्तै, सुनसरीको इनरूवा नगरपालिका–९ बस्ने ३० वर्षीय राजाराम ऋषीदेव र बराहक्षेत्र नगरपालिका–९ राजाबास नोजस्थित सप्तकोशी नदीको किनारमा पहिचान नखुलेको शव फेला परेको हो ।
राजारामको शव सोही ठाउँस्थित संखरपुर शाखा नहरको छेउमा शनिबार मृत अवस्थामा फेला परेका हो भने अन्दाजी ३५ वर्षीया महिला सप्तकोशी नदी किनारमा मृत भेटिएकी हुन् ।
सिराहाको कल्याणपुर नगरपालिका–१२ बेल्हा चोकस्थित सडक छेउमा हाल नाम, थर र वतन नखुलेका अन्दाजी ३४ वर्षीय पुरूष शनिबार मृत अवस्थामा फेला परेको प्रहरीले जनाएको छ ।
यस्तै, रूकुम पूर्वको भूमे गाउँपालिका–८ कुचिबाङ बस्ने ६० वर्षीय बिर बहादुर पुन सोही ठाउँस्थित कुचिबाङ खोलाको किनारमा शनिबार मृत अवस्थामा फेला परेका छन् ।
सिन्धुलीको मरिण गाउँपालिका–२ बस्ने ६३ वर्षीय मंगोलधोज थिङ सोही गाउँपालिका–३ भालुमारा मरिण खोला छेउमा आइतबार मृत अवस्थामा फेला परेका छन् ।
घटनाहरूबारे थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4