२० असोज, काठमाडौं । नेपाली कांग्रेसको तीन महामन्त्री पदमध्ये महिला एक जनाको लागि तीनजना प्रतिस्पर्धामा उत्रिएका छन् ।
कार्यकारी पद महामन्त्रीमा कांग्रेसले पहिलोपटक महिला सुरक्षित बनाउने गरी विधान संशोधन गरेको छ । संशोधित विधान अनुसारको प्रतिस्पर्धामा तीन महिला नेताहरुले उम्मेदवारी दर्ता गरेका छन् ।
सहमहामन्त्री डा डिला संग्रौला, पूर्व सहमहामन्त्री महालक्ष्मी उपाध्याय ‘डिना’ र महिला नेता रिता खनालले उम्मेवारी दर्ता गराएका छन् ।
१४ औं महाधिवेशनमा महालक्ष्मी ‘डिना’ले महिला क्लष्टरबाट सहमहामन्त्रीमा निर्वाचित भएकी थिइन् । तत्कालीन समयमा सहमहामन्त्रीको आकांक्षी संग्रौलाले केन्द्रीय सदस्यमा प्रतिस्पर्धा गरेर जितिन् । त्यस समय दुबै जना पूर्व सभापति शेरबहादुर देउवा समूहमा थिए ।
संग्रौला गत पुसमा भएको दोस्रो विशेष महाधिवेशनको पक्षमा लागिन् । सर्वसम्मत् नेतृत्व चयन गरी संग्रौला महिला क्लष्टरमा सहमहामन्त्री बनिन् । अर्कोतर्फ, १५ औं महाधिवेशनको निकटमा पूर्व सहमहामन्त्री डिना संस्थापनमा प्रवेश गरिन् । १४ औं महाधिवेशनमा एउटै समूहमा रहेका महिला नेतृहरु यसपटक महामन्त्री पदमा प्रतिस्पर्धा गर्दैछन् ।
संग्रौला र डिनासँगै प्रतिस्पर्धामा उत्रने अर्को महिला नेता रिता खनाल छन् । पूर्व सभापति देउवाको कार्यकालमा कांग्रेसको राजनीति छोडेकी खनाल विशेष महाधिवशेनसँगै कांग्रेसमा प्रवेश गरेकी थिइन् । उनी मकवानपुरकी हुन् ।
महिलातर्फ महामन्त्रीमा प्रतिस्पर्धी डिना गत महाधिवेशनमा मकवानपुर–१ बाट उम्मेदवार बनेकी थिइन् । महामन्त्रीको अर्को उम्मेदवार संग्रौला मोरङ–६ निवासी हुन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4