२१ कात्तिक, काठमाडौं । नेपाली कम्युनिस्ट पार्टी(नेकपा)का संयोजक पुष्पकमल दाहाल प्रचण्डले प्रहरी महानिरीक्षक पदबाट हटाइएका दानबहादुर कार्कीलाई अदालतले न्याय दिने विश्वास व्यक्त गरेका छन् ।
शनिबार काठमाडौंमा पत्रकारसँग कुरा गर्दै प्रचण्डले दानबहादुर कार्कीलाई आईजीपी पदबाट हटाएर सरकारले अन्याय गरेको बताउँदै सर्वोच्चले न्याय दिने बताएका हुन् ।
‘आईजीपीको विषय सर्वोच्च गएको छ । मलाई विश्वास छ, आईजीपीमाथि अन्याय भएको छ । सर्वोच्चले न्याय गर्छ भन्ने मेरो विश्वास छ,’ प्रचण्डले भने ।
प्रचण्डले सरकारविरुद्ध आन्दोलनको तयारीका विषयमा अन्य दलसँग कुराकानी भइरहेको बताए ।
‘छलफल चलिराखेको छ, पार्टीहरूसँग पनि । हामी अहिले राष्ट्रिय जागरण अभियानमा छौं,’ उनले भने, ‘त्यो अभियान सकिएपछि मात्रै त्यसको समीक्षा गरेर अनि अगाडिको योजना बनाउँछौं ।’
संविधान निर्माण र शान्ति प्रक्रियामा सहभागी दलहरूसँग आन्दोलनबारे कुरा भइरहेको उनको भनाइ छ । ‘एमालेसँग मात्र होइन, कांग्रेससँग पनि र अरुसँग पनि । सकेसम्म हिजोको संविधान, शान्ति प्रक्रियामा सहभागी सबैलाई एकठाउँमा जोडेर जानुपर्छ भन्ने हाम्रो बुझाइ छ,’ प्रचण्डले भने ।
वर्तमान सरकारको कामकारबाहीलाई उनले सरकार झिलिमिलीमा रमाएको टिप्पणी गरे ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4