निधिको प्रस्ताव : बजेट ल्याउने मिति सारौं

News Summary

Generated by OK AI. Editorially reviewed.

नेपाली कांग्रेसका सांसद विमलेन्द्र निधिले जेठ १५ गतेको बजेट मिति सार्न प्रस्ताव गरेका छन्।
उनले गणतन्त्र दिवसको कारणले गर्दा बजेट मिति परिवर्तन गर्न आवश्यक भएको बताए।
निधिले यसका लागि संविधान संशोधन गर्न आग्रह गरेका छन्।

१ जेठ, काठमाडौं । नेपाली कांग्रेसका सांसद विमलेन्द्र निधिले जेठ १५ गते ल्याइने बजेटको मिति सार्न प्रस्ताव गरेका छन् ।

हरेक वर्ष १५ जेठमा सरकारले संसदमा बजेट प्रस्तुत गर्ने गर्छ । सोही दिन गणतन्त्र दिवस पनि भएकाले बजेट ल्याइने मिति सार्न निधिले प्रस्ताव गरेका हुन् ।

‘आज जेठ १ गते हो । जेठ १५ गते आउँदैछ । जेठ १५ गते महत्वपूर्ण दिन हो- गणतन्त्र दिवस । अर्को कामकाजी दिवस हो, बजेट ल्याउने,’ उनले भने, ‘गणतन्त्र र बजेट दुई वटा शब्दावलीको अन्तरनिहीत अर्थ हेर्ने हो भने गणतन्त्रको वेटेज (महत्व) धेरै ठूलो हुन्छ ।’

उनले यसका लागि संविधान संशोधन गर्न आग्रह गरे । ‘१५ गते बजेट आउने कुरा संविधानमै लेखेको कारणले हो । त्यसो भए संशोधन गरियोस्,’ उनले भने ।