संसद्‌मा सँगै उभिन माओवादी र राप्रपालाई रास्वपाको आह्वान

News Summary

Generated by OK AI. Editorially reviewed.

राष्ट्रिय स्वतन्त्र पार्टीले भोलि बस्ने प्रतिनिधिसभा बैठकमा माओवादी केन्द्र र राप्रपा लाई एकसाथ उभिन आह्वान गरेको छ।
संसदीय दलको बैठकले प्रचण्ड र लिङ्देनको नेतृत्वमा रहेको दललाई पनि रास्वपासँग उभिन आग्रह गरेको हो।
रास्वपा का कार्यबाहक प्रवक्ता मनीष झाका अनुसार, बैठक अघिपछि भन्दा भोलिको बैठक फरक हुने बताइएको छ।

१२ जेठ, काठमाडौं । राष्ट्रिय स्वतन्त्र पार्टी (रास्वपा) ले भोलि बस्ने प्रतिनिधिसभा बैठकमा एक भएर उभिन नेकपा माओवादी केन्द्र र राष्ट्रिय प्रजातन्त्र पार्टी (राप्रपा) लाई आह्वान गरेको छ ।

सोमबार सिंहदरबारमा बसेको पार्टीको संसदीय दलको बैठकले माओवादी र राप्रपालाई पनि सँगै उभिनेगरी अघि बढ्न आह्वान गर्ने निर्णय गरेको हो ।

पार्टीका कार्यबाहक प्रवक्ता समेत रहेका सांसद मनीष झाका अनुसार, प्रचण्ड र लिङ्देनको नेतृत्वमा रहेको संसदीय दललाई रास्वपासँग उभिनका लागि आह्वान गर्ने निर्णय भएको छ ।

‘प्रचण्ड र लिङ्देनको नेतृत्वमा रहेको संसदीय दललाई रास्वपासँग उभिनका लागि आह्वान गर्छौं,’ झाले भने, ‘राप्रपा र माओवादीलाई सँगै उभिन आह्वान गर्छौं ।’

भोलि बस्ने प्रतिनिधिसभा बैठक अघिपछिको भन्दा फरक हुने यसअघि देखि नै रास्वपाले बताउँदै आएको छ ।