के ‘मोहर’मा पलको दोहोरो भूमिका हो ?

News Summary

Generated by OK AI. Editorially reviewed.

फिल्म ‘मोहर’को नयाँ पोस्टर साउन २३ गतेबाट रिलिज हुने घोषणा गरिएको छ।
पोस्टरमा अभिनेता पल शाहको दोहोरो अवतार देखाइएको छ, जसले दोहोरो भूमिकाको सम्भावना दर्शाउँछ।
फिल्मको टिजर जेठ २७ गते सार्वजनिक हुनेछ र कथामा ‘अलिखित नियमहरू’ आधारित रहेको बताइएको छ।

काठमाडौं । साउनको २३ गतेबाट रिलिज हुन लागेको फिल्म ‘मोहर’को नयाँ पोस्टर सार्वजनिक गरिएको छ । ओम प्रतिकको लेखन तथा निर्देशनमा तयार भएको यो फिल्मको नयाँ पोस्टर खास केही कुरा बताउन खोजेको देखिन्छ ।

पोस्टरमा अभिनेता पल शाहको दोहोरो अवतार देखिन्छ । उनी अभिनेत्री बेनिशा हमालसँग लामो कपाल पालेर अंगालोमा बाँधिएका छन् । यता, उनी छोटो कपालको साथमा नीति शाहको अँगालोमा बाँधिएको देख्न सकिन्छ ।

यसले, कतै पल फिल्ममा दोहोरो भूमिकामा त छैनन् भन्ने उत्सुकता दर्शकमाझ उत्पन्न हुनसक्छ । फिल्म ‘मोहर’लाई ‘अलिखित नियमहरूमा आधारित कथा’ भनिएको छ ।

यो फिल्मको टिजर जेठ २७ गते सार्वजनिक हुँदैछ । पोस्टरबाटै दर्शकमाझ निर्माणपक्षले कौतुहलता जगाउन खोजेको प्रष्ट हुन्छ । टिजर सार्वजनिक भएपछि फिल्मको बारेमा दर्शकले अझै थप बुझ्न सक्ने निर्माणपक्षले बताएको छ ।

चुम्बनजंग शाहीको निर्माणमा तयार भएको यो फिल्ममा अर्जुनजंग शाही, मिथिला शर्मा, रवीन्द्र झा, लक्ष्मी गिरी र बालकलाकार सारा शर्माको पनि मुख्य भूमिका छ । दिपेन बस्न्यातको छायांकन रहेको यो फिल्ममा कुमार महर्जनको एक्सन, सुरेश अधिकारी र एसडी योगीको संगीत, प्रमोद ढुंगाना र हर्क साउदको शब्द छ ।

फिल्म मेकर्स प्रालिको ब्यानरमा निर्माण भएको यो फिल्ममा गिरिराज घिमिरे मुख्य सहायक निर्देशक र लक्ष्मण राज पौडेल निर्माण नियन्त्रकको रुपमा छन् ।