फिजियोथेरापिस्टको दरबन्दी नबढाएको भन्दै फिजियोथेरापी संघको असन्तुष्टि

५ असार, काठमाडौं । स्वास्थ्य सेवा समूहको संघीय दरबन्दीमा फिजियोथेरापी सेवाका लागि दरबन्दी नबढाइएको भन्दै नेपाल फिजियोथेरापी संघले गम्भीर असन्तुष्टि प्रकट गरेको छ।

संघले बुधबार वक्तव्य जारी गरी हालै प्रकाशित स्वास्थ्य सेवा समूहको संघीय दरबन्दीमा फिजियोथेरापिस्टको दरबन्दी नबढाइनु आपत्तिजनक भएको बताएको हो ।

देशभर फिजियोथेरापी सेवाको माग बढिरहेका बेला दरबन्दी नबढाउनु दुर्भाग्यपूर्ण निर्णय भएको संघको भनाइ छ ।

जनसंख्या वृद्धि हुनु, दुर्घटनाहरू बढ्ने र पछिल्ला दिनमा देखिने रोगको प्रवृत्तिले पनि फिजियोथेरापी उचपारको आवश्यकता बढ्दै गएको संघका अध्यक्ष समिद कुमार कतिला श्रेष्ठले बताए । यो अवस्थामा दरबन्दी नथपिनु दुःखद् रहेको श्रेष्ठको भनाइ छ ।

‘नेपालमा फिजियोथेरापी सेवाको माग तीव्र रूपमा बढिरहेको छ’ श्रेष्ठले भने, ‘दीर्घकालीन रोगहरूको उपचारमा फिजियोथेरापीको भूमिका अत्यन्त महत्वपूर्ण बनिरहेको सन्दर्भमा दरबन्दी नबढाउने सरकारको निर्णय दुर्भाग्यपूर्ण हो ।’

देशभर फिजियोथेरापी सेवाको माग बढिरहेका बेला सरकारको यो निर्णयले दक्ष जनशक्तिलाई विदेशिन प्रोस्साहित गर्ने उनको भनाइ छ । फिजियोथेरापीको दरबन्दी थप गर्ने गरी निर्णय पुनारावलोकन गर्नुपर्ने आफूहरूको माग रहेको श्रेष्ठले बताए ।