९ असार, काठमाडौं । पूर्वसांसद हृदयश त्रिपाठीले बजेटमाथिको छलफल फितलो भएको टिप्पणी गरेका छन् ।
संसद्मा आगामी आर्थिक वर्षको बजेटमाथिको छलफलमा कुन क्षेत्रमा कति बजेट पर्यो भन्ने विषय प्राथमिकतामा परेको उनको गुनासो थियो । तर, यो भन्दा महत्त्वपूर्ण विषय करको दरको विषयमा सांसदहरूको ध्यान जान नसक्नुले बजेट छलफल फितलो हुन पुगेको उनको भनाइ छ ।
‘कर, राजश्व प्रणाली र भन्सारमा हुन्छ विकृति र विसंगति । तर, यसबारे संसद्मा छलफल नै हुन सकेन,’ त्रिपाठीले अनलाइनखबरसँग भने, ‘कसको निर्वाचन क्षेत्रमा कति बजेट गयो भनेर छलफलमा प्राथमिकता पायो । तर, कर र भन्सारका दरले धेरै ठूलो अर्थ राख्छ । बिचौलियाले खेल्ने पनि करकै दरमा हो । यसबारे प्रश्न नउठ्दा सरकारलाई हाइसन्चो भयो होला ।’
गत जेठ १५ गते आएको बजेट आएको थियो । सुरुमा सामान्य छलफल भयो । यही जेठ ५ गतेदेखि मन्त्रालयगत छलफल भयो ।
मंगलबार बजेट पारित गर्ने कार्यसूची छ । तर, बजेटमाथिको छलफल छलफल जस्तो हुन नसकेको त्रिपाठीको टिप्पणी छ ।
सरकारले पनि बजेटमाथि धेरै छलफल नचाहेको जस्तो देखिएको उनले बताए । ‘सरकारले पनि धेरै छलफल चाहेको देखिएन । कर्मकाण्ड पूरा गर्ने मतदान गर्नेतिर गएको देखियो,’ उनी भन्छन्, ‘यस्तो प्रवृतिले संसदीय गरिमालाई भने खस्काएको छ ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4