News Summary
Generated by OK AI. Editorially reviewed.- प्रहरीको केन्द्रीय अनुसन्धान ब्यूरोले नायव सुब्बा पशुपति अधिकारीलाई पुनः हिरासतमा लिएको छ।
- उनीसहितको समूहले नक्कली कागजात बनाएर १० लाख रकम असुल्ने प्रयास गरेको आरोप छ।
- उनीहरू माथि लिखतसम्बन्धी कसुरमा अनुसन्धान भइरहेको छ।
१० असार, काठमाडौं । प्रहरीको केन्द्रीय अनुसन्धान ब्यूरो (सीआईबी) को हिरासतमा रहेका नायव सुब्बा (नासु) पशुपति अधिकारी यसअघि पक्राउ परेर पनि मुद्दा नचली उम्केको पाइएको छ ।
विदेशमा मृत्यु भएकाको परिवारलाई सरकारले दिने राहत तथा क्षतिपूर्ति रकम पीडित परिवारलाई नदिई उनले लिएको पाइएपछि यसअघि पक्राउ परेका थिए ।
त्यतिबेला उनीसहित ८ जनालाई काठमाडौं उपत्यका अपराध अनुसन्धान कार्यालयको टोलीले पक्राउ गरेको थियो । सुरुमा ६ जनालाई २३ चैत २०७९ मा पक्राउ गरिएको थियो ।
त्यसको दुई दिनपछि नासु अधिकारी र एक बीमा अधिकृत पक्राउ परेका थिए । त्यतिबेला नासु अधिकारी वैदेशिक रोजगार बोर्डमै कार्यरत थिए । मृतकका परिवारले पाउने ८ लाख रकम नासु अधिकारीले खाएको आरोप लागेको थियो ।
तर यो प्रकरणमा मुद्दा नचली उनी छुटेको पाइएको छ । पीडित परिवारलाई उक्त ८ लाख रकम फिर्ता गरेपछि पीडित पक्ष र नासु अधिकारीबीच मिलापत्र भएर मुद्दा नचलेको पाइएको हो । ८ लाख रुपैयाँ फिर्ता गरेपछि उम्केका उनै नासु अहिले फेरि त्यस्तै प्रकरणमा सीआईबीको हिरासतमा छन् ।
उनीसहितको समूहले विदेश गएर फर्केकी काभ्रेकी सोमा थिङको मृत्यु भएपछि नक्कली कागजात बनाएर १० लाख रकम असुल्न खोजेको पाइएको थियो । त्यसपछि नासुसहित ६ जनालाई पक्राउ गरेर अहिले सीआईबीले अनुसन्धान गरिरहेको छ ।
उनीहरूमाथि लिखतसम्बन्धी कसुरमा अनुसन्धान अघि बढाइएको सीआईबीका प्रवक्ता युवराज खड्काले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4