News Summary
Generated by OK AI. Editorially reviewed.- गायिका एलिना चौहानले साइबर दुर्व्यवहारको उजुरी दर्ता गरी गृहमन्त्रीसँग भेट गरेकी छिन्।
- उनले सामाजिक सञ्जालमा भइरहेको चरित्र हत्या र गालीगलौजको सामना गर्न कानुनी कदम चाल्न आग्रह गरे।
- यसअघि उनले साइबर ब्यूरोमा पनि उजुरी दिइसकेकी छन्।
१७ असार, काठमाडौं । चर्चित गायिका एलिना चौहानले सामाजिक सञ्जालमार्फत भइरहेका गालीगलौज र चरित्र हत्या सम्बन्धी साइबर दुर्व्यवहारबारे गृहमन्त्री रमेश लेखकसँग भेट गरी आवश्यक कदम चाल्न आग्रह गरेकी छिन्।
यसअघि उनले सोमबार साइबर ब्यूरोमा उजुरी दर्ता गराइसकेकी थिइन्। चौहानले गम्भीर प्रकारका अभद्र टिप्पणी, अपमानजनक सन्देश र चरित्र हत्या गर्ने प्रयासको सामना गरिरहेको बताउँदै आत्म–सम्मानको रक्षा गर्न कानुनी बाटो रोज्नुपरेको स्पष्ट पारेकी छिन्।
भेटपछि सामाजिक सञ्जालमा प्रतिक्रिया जनाउँदै चौहानले लेखकी छिन्, ‘यो कदम मैले रिस वा घृणाले होइन, आफ्नो अस्तित्व र आत्म–सम्मानको सुरक्षाका लागि उठाएकी हुँ। तपाईंहरूको साथ र सद्भावनाले मलाई अझ अघि बढ्ने हिम्मत दिएको छ।’
एलिनाले पछिल्लो केही समयदेखि आफ्नो फेसबुक, इन्स्टाग्राम लगायतका सामाजिक प्लेटफर्महरूमा अज्ञात व्यक्तिहरूद्वारा निरन्तर नकारात्मक, अमर्यादित र चरित्र हत्या गर्ने खालका कमेन्टहरू भइरहेको गुनासो गर्दै कानुनी बाटो रोजेकी हुन्।
उनले आफ्ना सामाजिक सञ्जालका पोस्टहरूमा गरिएका आपत्तिजनक कमेन्टहरू ती व्यक्तिहरूका प्रोफाइल फोटोहरू सहित सार्वजनिक गर्दै आएकी छन् ।
साइबर ब्यूरोले यस प्रकरणमा अनुसन्धान सुरु गरेको जनाएको छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4