२०८२ असार २७ गते १९:४२ 
News Summary
Generated by OK AI. Editorially reviewed.- बंगलादेशमा सुरु भएको साफ यू२० महिला च्याम्पियनसिपमा नेपालले भुटान विरुद्ध पहिलो हाफमा ३-० को अग्रता बनाएको छ।
- नेपालका लागि सेनु परियारले दुई तथा पूर्णिमा राईले एक गोल गरिन्।
- खेल बसुन्धरा एरेनामा भइरहेको छ।
२७ असार, काठमाडौं । बंगलादेशमा आजदेखि सुरु भएको साफ यू२० महिला च्याम्पियनसिपमा नेपालले भुटान विरुद्ध पहिलो हाफमा तीन गोलको अग्रता बनाएको छ ।
बसुन्धरा एरेनामा भइरहेको खेलको पहिलो हाफमा नेपालले ३-० को अग्रता बनाएको हो ।नेपालका लागि सेनु परियारले दुई तथा पूर्णिमा राईले एक गोल गरिन् ।
सेनुले नवौँ मिनेटमा गोल गर्दै नेपाललाई अग्रता दिलाइन् । वर्षा ओलीको पासमा सेनुले बल अघि बढाउँदै पेनाल्टी बक्स बाहिरबाट विपक्षी गोलकिपरलाई चिप गर्दै गोल गरिन् । यस्तै पूर्णिमाले १८औं मिनेटमा नेपालको अग्रता दोब्बर पारिन् । वर्षाले नै दायाँ भागबाट दिएको क्रसममा पूर्णियाले सिक्स यार्ड बक्सबाट वान टचमा गोल गरिन् ।
त्यसपछि सेनुले ४५औ् मिनेटमा गोल गर्दै नेपालको अग्रता ३-० पुर्याइन् । वर्षाले नै बक्स बाहिर दिएको पासमा सेनुले विपक्षी खेलाडीलाई छलाउँदै बल बक्स भित्र पुर्याएर व्यक्तिगत दोस्रो गोल गरिन् ।
प्रतिक्रिया 4