‘काजी’ छायांकन गर्न स्याङ्जा लागे विपिन, केकी, गरिमा

News Summary

Generated by OK AI. Editorially reviewed.

लक्ष्मण रिजालको निर्देशनमा बन्ने फिल्म ‘काजी’को शुभमुहूर्त दक्षिणकाली मन्दिरमा गरिएको छ।
निर्माण टिमले स्याङ्जा प्रस्थान गरी भदौ ८ गतेदेखि छायांकन सुरु गर्ने निर्देशक रिजालले बताए।
फिल्ममा विपिन कार्की, केकी अधिकारी, गरिमा शर्माको अभिनय हुनेछ र कालिप्रसाद बास्कोटाको संगीत रहनेछ।

काठमाडौं । लक्ष्मण रिजालको निर्देशनमा निर्माण हुने फिल्म ‘काजी’को शुभमुहूर्त गरिएको छ । शुक्रबार दक्षिणकाली मन्दिरमा क्यामेरा तथा स्क्रिप्ट पूजा गरिएको हो ।

निर्माण टिम शुभमुहूर्तसँगै छायांकनको लागि स्याङ्जा प्रस्थान गरेको छ । भदौ ८ गते आइतबारबाट छायांकन सुरु गरिने निर्देशक रिजालले जानकारी दिए ।

यो फिल्मसँगै उनी ८ वर्षपछि निर्देशनमा फकेका हुन् । खोजेजस्तै पटकथा प्राप्त गरेकाले आफू निर्देशनमा फर्किएको उनले बताए ।

उनले यसअघि ‘कसम’, ‘धुँवा यो नशा’, ‘अलबिदा’, ‘कायरा’ लगायतका फिल्मको निर्देशन, ‘डिसेम्बर फल्स’ र ‘गणपति’को निर्माण गरेका थिए ।

आरएन्डआर प्रोडक्सनको व्यानरमा निर्माण हुने यो सोसल लभस्टोरी फिल्मलाई रामप्रसाद रिजालले निर्माण गर्दैछन् । निर्माणमा यसअघिका कमजोरीलाई सच्याउने प्रयास हुने उनले बताए ।

छायांकनलाई लागि स्याङ्जामा लाखौं रुपैयाँ खर्च गरेर एक गाउँको सेट नै निर्माण गरिएको जानकारी दिए ।

फिल्ममा विपिन कार्की, केकी अधिकारी, गरिमा शर्मा लगायतका कलाकारको अभिनय हुनेछ । प्रदीप भारद्धाजको पटकथा रहेको फिल्मलाई चिन्तन राजभण्डारीले खिच्दै छन् ।

कालिप्रसाद बासकोटाको संगीत छ । सुनिल मानन्धरको श्रीराम बालाजी फिल्मस्ले फिल्मले वितरण गर्नेछ ।