अर्थतन्त्रका वाह्य सूचक सबल, निजी क्षेत्रतर्फको कर्जा ऋणात्मक

News Summary

Generated by OK AI. Editorially reviewed.

साउन महिनामा निजी क्षेत्रतर्फ बैंक तथा वित्तीय संस्थाबाट प्रवाह हुने कर्जा २ अर्ब ९२ करोड रुपैयाँ ऋणात्मक भएको छ।
नेपाल राष्ट्र बैंकका अनुसार बैंकहरूले कर्जा लगानी घटाएपछि निजी क्षेत्रको कर्जा ०.१ प्रतिशतले नकारात्मक भएको हो।
चालु आर्थिक वर्ष साउन मसान्तमा विदेशी विनिमय सञ्चिति २८ खर्ब ६ अर्ब ४ करोड पुगेको छ, जसले २०.४ महिनाको वस्तु आयात धान्न सक्छ।

३० भदौ, काठमाडौं । चालु आर्थिक वर्ष पहिलो महिना साउनमा निजी क्षेत्रतर्फ प्रवाह हुने कर्जा ऋणात्मक भएको छ ।

यो अवधिमा बैंक तथा वित्तीय संस्थाले निजी क्षेत्रतर्फ प्रवाह गर्ने कर्जा २ अर्ब ९२ करोड रुपैयाँ ऋणात्मक भएको हो ।

बैंकहरूले कर्जा लगानी बढाउने भन्दा पनि पुरानो कर्जासमेत घटाएपछि निजी क्षेत्रतर्फको कर्जा लगानी ऋणात्मक हुन पुगेको हो ।

नेपाल राष्ट्र बैंकका अनुसार उक्त अवधिमा बैंक तथा वित्तीय क्षेत्रबाट निजी क्षेत्रमा प्रवाह हुने कर्जा ०.१ प्रतिशतले नकारात्मक हुन पुगेको हो ।

निजी क्षेत्रमा प्रवाह हुने कर्जाबाहेक अर्थतन्त्रका अन्य सूचकमा भने उच्च सुधार देखिएको छ ।

चालु आव साउन १ खर्ब २९ अर्ब रुपैयाँ विदेशी विनिमय सञ्चिति थप भएको छ ।

२०८२ असार मसान्तमा २६ खर्ब ७७ अर्ब ६८ करोड रहेको कुल विदेशी विनिमय सञ्चिति साउन मसान्तमा २८ खर्ब ६ अर्ब ४ करोड पुगेको हो ।

साउनको आयातलाई आधार मान्दा बैंकिङ क्षेत्रसँग रहेको विदेशी विनिमय सञ्चिति २०.४ महिनाको वस्तु आयात र १६.६ महिनाको वस्तु तथा सेवा आयात धान्न पर्याप्त रहने देखिन्छ ।