‘छक्कापञ्जा टूर’ लिएर अमेरिका उडे दीपक, दीपा, जितु

News Summary

Generated by OK AI. Editorially reviewed.

कलाकार दीपकराज गिरी, दीपाश्री निरौला र जितु नेपाल 'छक्कापञ्जा युएसए कमेडी टूर २०२५' लिएर अमेरिकातर्फ प्रस्थान गरेका छन्।
टेक्सास अवतरणपछि टूरको सुरुवात सेप्टेम्बर १९ मा मेरिल्याण्डको बाल्टिमोरबाट हुनेछ र १५ अमेरिकी सहरमा कार्यक्रम आयोजना हुनेछ।
कार्यक्रमबाट संकलित रकम जेनजी आन्दोलनपछि आवश्यक राहत र पुननिर्माणमा खर्च गर्ने योजना छ र नोभेम्बर पहिलो साता कलाकारहरू स्वदेश फर्कनेछन्।

काठमाडौं । ‘छक्कापञ्जा युएसए कमेडी टूर २०२५’ लिएर कलाकार दीपकराज गिरी, दीपाश्री निरौला र जितु नेपाल अमेरिकातर्फ प्रस्थान गरेका छन् ।

अमेरिकाको टेक्सासमा अवतरण गरेका उनीहरूले टूरको सुरुवात चाहिँ मेरिल्याण्डको बाल्टिमोरदेखि थाल्ने जनाइएको छ । सेप्टेम्बर १९ मा बाल्टिमोरदेखि टूर हुनेछ ।

सेप्टेम्बर २० मा कोलम्बस, २१ मा एक्रोन, २७ मा टेक्सासको डालसमा कार्यक्रम आयोजना हुँदैछ । १५ अमेरिकी सहरमा कार्यक्रम आयोजना हुने जनाइएको छ ।

आत्रेय प्रोडक्सन हाउस र ग्लोबल इभेन्ट्सले संयुक्तरुपमा कार्यक्रम आयोजना गर्न लागेका हुन् ।

अन्य सहरका कार्यक्रमको मिति चाँडै सार्वजनिक हुने जनाइएको छ । टूरमा ‘छक्कापञ्जा’ टिमको तर्फबाट दीपक-दीपासहित जितु नेपाल, आसिफ शाह, मीना पोखरेल, धर्मेन्द्र सेवान सहभागी हुने जनाइएको छ ।

सेवान क्यानडाबाटै त्यता लाग्नेछन् । कलाकार गिरी डेढ दशकपछि अमेरिका भ्रमणमा निस्किएका हुन् ।

कार्यक्रममा संकलित रकम जेनजी आन्दोलनपछि आवश्यक राहत र पुननिर्माणमा खर्च गर्ने उनीहरूको योजना छ । अमेरिकाबाट फर्किएपछि फिल्म निर्माणमा जुट्ने दीपकको भनाइ छ ।

उनीहरू नोभेम्बर पहिलो साता स्वदेश फर्किने कार्यक्रम छ ।