विशेष महाधिवेशनका लागि संकलित हस्ताक्षर मंगलबार पेश गरिने

News Summary

Generated by OK AI. Editorially reviewed.

नेपाली कांग्रेसको विशेष महाधिवेशनको माग गर्दै संकलित ५१ प्रतिशत हस्ताक्षर मंगलबार केन्द्रीय समिति बैठक अघि पेश गरिने भएको छ।
केन्द्रीय सदस्य मधु आचार्यले केन्द्रीय कार्यसमिति बैठकभन्दा अगाडि हस्ताक्षर दर्ता गरिसक्ने जानकारी दिनुभयो।
नेता गुरुराज घिमिरेले नियमित महाधिवेशन नभए स्वतः विशेष महाधिवेशन बोलाउनुपर्ने र षड्यन्त्र हुन सक्ने बताउनुभयो।

२७ असोज, काठमाडौं। नेपाली कांग्रेसको विशेष महाधिवशेनको माग गर्दै संकलित हस्ताक्षर मंगलबार पेश गरिने भएको छ ।

मंगलबार बस्ने केन्द्रीय समिति समिति बैठक अघि हस्ताक्षर पेश गरिने केन्द्रीय सदस्य मधु आचार्यले जानकारी गराए।

आचार्यले अनलाइनखबरसँग भने,‘केन्द्रीय कार्यसमिति बैठक भन्दा अगाडि दर्ता गरिसक्छौं । तर, अब आजलाई गर्न चाहिँ हामी स्थगित गर्‍यौं।’ ५१ प्रतिशत महाधिवशेन प्रतिनिधिको हस्ताक्षर पेश गरिने उनले जानकारी गराए ।

विशेष महाधिवशेनका लागि हस्ताक्षरको अगुवाई गरिरहेका अर्का नेता गुरुराज घिमिरेले पहिलो प्राथमिकता मंसिरभित्र नियमित महाधिवशेनकै पक्षम आफूहरु रहेको बताए।

नियमित महाधिवेशन हुन नसके विशेष महाधिवशेनमा जानुपर्ने उनले बताए ।

‘नियमित गर्नुभएन भने स्वतः विशेष महाधिवेशन त्यो बोलाउन परिहाल्यो नि । तर, उहाँहरुले कुनै बेला पनि षड्यन्त्र र जालझेल गर्न सक्नुहुन्छ ।’