नेपालगञ्जमा दर्शक फकाउँदै हरिवंश

News Summary

Generated by OK AI. Editorially reviewed.

फिल्म 'हरिबहादुरको जुत्ता'ले देशब्यापी उत्साहजनक प्रदर्शन गर्दै तेस्रो सातामा मोफसलका हलमा समेत प्रदर्शन भइरहेको छ।
अभिनेता हरिवंश आचार्य फिल्म प्रवर्धनका लागि नेपालगञ्ज पुगेका छन् र पश्चिम नेपालको मुख्य फिल्म बजारमा प्रचार गरिरहेका छन्।
नेपालगञ्जको सिने-रोयल हलमा दर्शकको उल्लेख्य उपस्थिति देखिएको छ र हरिवंशसँग फोटो खिचाउन दर्शकको घुइँचो लागेको छ।

काठमाडौं । ‘हरिबहादुरको जुत्ता’ले देशब्यापी उत्साहजनक प्रदर्शनलाई निरन्तरता दिइरहेको छ । राजधानी मात्र होइन, मोफसलका हलमा समेत तेस्रो सातामा फिल्म प्रदर्शनरत छ ।

यस्तोमा, दर्शकलाई भेट्दै फिल्म प्रवर्धन गर्नको लागि अभिनेता हरिवंश आचार्य नेपालगञ्जमा पुगेका छन् । फिल्मको टोलीसहित पश्चिम नेपालको मुख्य फिल्म बजारमा पुगेर उनले फिल्मको प्रचार गरिरहेका छन् ।

रिलिज लगत्तै काठमाडौं उपत्यकाका हलमा पुगेर दर्शक भेटिरहेका उनले यतिबेला मोफसल प्रचारमा तीव्रता दिएका हुन् ।

नेपालगन्जको सिने-रोयल हलमा बिहानबाटै दर्शकको उल्लेख्य उपस्थिति देखिएको छ । हरिवंश हलमा पुगेपछि उनीसँग फोटो खिचाउन दर्शकको घुइँचो देखिन्छ ।

मंगलबार उनले दिउँसोभर दर्शक भेटे । दीपेन्द्र के खनाल निर्देशित फिल्ममा स्वस्तिमा खड्का, प्रकाश सपुत, प्रियंका कार्की, हरिहर शर्मा, दिव्यदेव पन्त, किरण केसी, राजाराम पौडेल, दिनेश काफ्ले, सीता न्यौपाने, कमलमणि नेपालको अभिनय छ ।

एसएम मोसन पिक्चर्सको ब्यानरमा निर्माण भएको फिल्मलाई सरोज ओली र मोहितवंश आचार्यले निर्माण गरेका हुन् ।