२०८२ कात्तिक १३ गते १५:०१ 
News Summary
Generated by OK AI. Editorially reviewed.- कप्तान रोहित पौडेलले १०९ रन बनाएपछि नेपालले यूएईलाई मध्यम लक्ष्य प्रस्तुत गरेको छ।
- नेपालले दुबईस्थित आईसीसी एकेडेमीमा टस जितेर पहिले ब्याटिङ गर्दै ५० ओभरमा २३३ रन बनायो ।
- यूएईका जाहिद अलीले ४ विकेट लिए ।
१३ कात्तिक, काठमाडौं । कप्तान रोहित पौडेलले शतक बनाएपछि आईसीसी विश्व क्रिकेट लिग २ अन्तर्गत ओडिआई शृंखलाको आफ्नो दोस्रो खेलमा नेपालले यूएईलाई मध्यम लक्ष्य प्रस्तुत गरेको छ ।
दुबईस्थित आईसीसी एकेडेमीमा टस जितेर पहिले ब्याटिङ गरेको नेपालले ५० ओभरमा अलआउट हुँदै २३३ रन बनाएर यूएईलाई २३४ रनको लक्ष्य दिएको हो ।
रोहितले १३० बलमा १०९ रन बनाए । ओडिआईमा उनको यो दोस्रो शतक हो । त्यस्तै आसिफ शेखले ३५, आरिफ शेखले २७ तथा दीपेन्द्रसिंह ऐरीले २३ रन बनाए ।
यूएईका लागि जाहिद अलीले ६ ओभरमा ४१ रन दिएर ४ विकेट लिए । जुनेद सिद्दिकीले १० ओभरमा ५४ रन दिएर ३ विकेट लिए । मुहम्मद रोहिद र हैदर अलीले १-१ विकेट लिए ।
यूएईसँग नेपालले हालसम्म १५ पटक ओडिआईमा खेलेको छ । नेपाल ९ खेलमा विजयी हुँदा यूएईले ६ खेल जितेको छ ।
प्रतिक्रिया 4