२०८२ कात्तिक २० गते २१:३२ 
News Summary
Generated by OK AI. Editorially reviewed.- ग्राण्ड स्टार्सले समृद्धि खुला महिला बास्केटबल प्रतियोगितामा साइपाल एकेडेमीलाई ८७-२० ले पराजित गर्दै लगातार दोस्रो जित हात पारेको छ।
- ट्रेनिङ ग्राउण्डले जेभियर इन्टरनेसनललाई १११-१६ को फराकिलो अन्तरले हराउँदै पहिलो जित हासिल गरेको छ।
- जुनियर यु–१६ तर्फ भ्याली पब्लिकले रिब्सलाई ४०-१९ ले हराएको छ।
२० कात्तिक, काठमाडौं । ग्राण्ड स्टार्सले समृद्धि खुला महिला बास्केटबल प्रतियोगितामा लगातार दोस्रो जित हात पारेको छ ।
त्रिपुरेश्वरस्थित राष्ट्रिय खेलकुद परिषद्को कभर्डहलमा भइरहेको प्रतियोगिताको दोस्रो दिन बिहीबार ग्राण्डले साइपाल एकेडेमीलाई ८७-२० को फराकिलो अन्तरले पराजित गर्यो ।
एकपक्षीय खेलमा ग्राण्डले चारै क्वाटरमा अग्रता बनाएको थियो । ग्राण्डले ३०-४, २२-१०, १७-४, १८-२ ले खेल आफ्नो पक्षमा पारेको हो । ग्राण्डका लागि डोमा तामाङले सर्वाधिक १६ अंक जोडिन् । डोमा समृद्धि प्लेअर अफ दि म्याच घोषित भइन् ।
पहिलो खेलमा जेभियर इन्टरनेसनललाई पराजित गरेको साइपालको यो पहिलो हार हो । यस्तै अर्को खेलमा ट्रेनिङ ग्राउन्डले जेभियर इन्टरनेसनललाई १११–१६ को फराकिलो अन्तरले हरायो ।
ट्रेनिङ ग्राउण्डले जेभियरविरुद्ध पहिलो क्वाटरमा २३-०, दोस्रो क्वाटरमा ३५-४, तेस्रो क्वाटरमा २९-७, चौथो क्वाटरमा २४-५ को अग्रता बनाएको थियो ।
ट्रेनिङ ग्राउण्डको यो पहिलो जित हो । पहिलो खेलमा ट्रेनिङ ग्राउण्ड ग्राण्ड स्टार्ससँग पराजित भएको थियो । ट्रेनिङ ग्राउण्डकी गरिशा सिलवालले सर्वाधिक ३० स्कोर गरिन् । गरिशा दी क्लिफ प्लेअर अफ दि म्याच घोषित भइन् ।
यस्तै जुनियर यु–१६ तर्फ भ्याली पब्लिक विजयी भयो । भ्याली पब्लिकले रिब्सलाई ४०–१९ ले हरायो । भ्याली पब्लिककी लोरिशा गौचनले १६ अंक जोडिन् ।
प्रतिक्रिया 4