News Summary
Generated by OK AI. Editorially reviewed.- नेपाल आइडलका विजेताद्वय करण परियार र गङ्गा सोनामले पहिलो पटक सहकार्य गरेको गीत राधिका ओएसआर डिजिटलमार्फत सार्वजनिक गरिएको छ।
- परियार सिजन ५ र सोनाम सिजन ६ का विजेता हुन् र गीत भोला नाथ पाठकको शब्द तथा लेखु सहयात्रीको सङ्गीतमा तयार भएको हो।
- कृष्णदेव रुपाखेतीको निर्देशनमा तयार भिडियोमा स्मारिका ढकाल र बद्री प्रसाद तिवारी फिचर्ड छन् र प्रेम रोमान्सले भरिएको भिडियो ओएसआर डिजिटलबाट बजारमा आएको छ।
काठमाडौँ। नेपाल आइडलका विजेताद्वय करण परियार र गङ्गा सोनामले पहिलो पटक सहकार्य गरेको गीत राधिका सार्वजनिक गरिएको छ।
बुधबार एक कार्यक्रमको आयोजना गरी आइडल विजेता परियार र सोनामको युगल स्वर रहेको गीत ओएसआर डिजिटल मार्फत सार्वजनिक गरिएको हो ।
परियार सिजन ५ र सोनाम सिजन ६ का विजेता हुन् । भोला नाथ पाठकको शब्द र लेखु सहयात्रीको सङ्गीतमा तयार गीत तयार भएको हो।
कृष्णदेव रुपाखेतीको निर्देशन तथा पुनम श्रेष्ठको कोरियाग्राफीमा तयार भिडियोमा स्मारिका ढकाल र बद्री प्रसाद तिवारी फिचर्ड छन्।
राधा कडरिया निर्माता रहेको भिडियोमा मीन रावलको सम्पादन छ तथा उत्सब दाहालको छायांकन रहेको छ । गीतकार पाठकले प्रेमिल मुड जगाउने प्रकारको गीत भएकाले दर्शकले मन पराउने विश्वास व्यक्त गरे।
गीत गायनमा करण र गङ्गाको पहिलो सहकार्य हो । निर्देशक कृष्ण देव रुपाखेतीले अडियो नै अब्बल रहेको र गीतको भाव अनुसारको गुणस्तरीय भिडियो निर्माणमा कुनै पनि कम्परमाइज नगरेको दाबी गरे।
प्रेम रोमान्सले भरिएको छमछम नचाउने खालको भिडियो ओएसआर डिजिटलबाट बजारमा आएको हो ।
प्रतिक्रिया 4