भिसा इन्टरनेसनलको तीन विधामा नबिल बैंकले पायो अवार्ड

News Summary

Generated by OK AI. Editorially reviewed.

नबिल बैंकले भिसा इन्टरनेसनलबाट तीन विधामा अवार्ड जितेको छ।
अवार्ड एक्सिलेन्स इन कन्जुमर डेबिट कार्डस्, कन्ट्याकलेस–इसुइङ र इ–कमर्स एक्वायरिङमा प्रदान गरिएको हो।
नबिल बैंकका नायब प्रमुख कार्यकारी अधिकृत आदर्श बजगाईले उपलब्धीको श्रेय ग्राहक, व्यवसायी र कर्मचारीलाई दिएको बताए।

१२ मंसिर, काठमाडौं । भिसा इन्टरनेसनलले प्रदान गर्ने तीन वटा महत्वपूर्ण विधामा नबिल बैंकले अवार्ड जितेको छ ।

बैंकले यस वर्ष एक्सिलेन्स इन कन्जुमर डेबिट कार्डस् बिजनेस प्रिन्सिपल क्लाइन्ट, एक्सिलेन्स इन कन्ट्याकलेस–इसुइङ र एक्सिलेन्स इन इ–कमर्स एक्वायरिङ बिजनेस प्रिन्सिपल क्लाइन्ट विधामा अवार्ड जितेको हो ।

काठमाडौंस्थित मेरियट होटलमा आयोजित एक कार्यक्रममा बैंकलाई ती अवार्ड प्रदान गरिएको हो । विगतमा पनि उक्त विधामा नबिल बैंकको वर्चस्व रहँदै आएको छ ।

अवार्ड ग्रहणपछि बैंकका नायब प्रमुख कार्यकारी अधिकृत आदर्श बजगाईले यो उपलब्धीले आफूहहरूलाई थप ऊर्जा प्रदान गरेको बताए ।

उनले उक्त उपलब्धीको श्रेय बैंकका कार्डबाहक ग्राहक, व्यवसायी तथा कर्मचारीलाई जाने बताए ।

भिसा इन्टरनेसनल कार्डप्रदायक कम्पनी हो । भिसाले नेपालमा वार्षिक रुपमा भिसा लिडरसिप कन्क्लेभ आयोजना गर्दै आएको छ । नेपालका बैंक तथा वित्तीय संस्था, फिनटेक, इ– कमर्स, व्यापार व्यवसायमा भिसा कार्डको प्रयोग हुँदै आएको छ ।

नबिलले २५ लाखभन्दा बढी सेवाग्राहीहरूलाई देशभरका २६८ शाखा र ३२१ एटीएममार्फत सेवा प्रदान गर्दै आएको छ ।