प्रदीप खड्का स्टारर साइन्स-फिक्सन ‘एक्लो’ को पोस्टर सार्वजनिक

News Summary

Generated by OK AI. Editorially reviewed.

विज्ञान कथामा आधारित मल्टिस्टारर फिल्म ‘एक्लो’ को आधिकारिक पोस्टर सार्वजनिक गरिएको छ।
फिल्ममा प्रदीप खड्का, जेमी बेकन, विजय लामा, सुनिल थापा, दीया पुन लगायत कलाकारहरू छन्।
‘एक्लो’ १७ पुस २०८२ (१ जनवरी २०२६) मा प्रदर्शन तयारीमा छ र पोस्ट–प्रोडक्सन लन्डनमा भइरहेको छ।

काठमाडौँ । विज्ञान कथामा आधारित मल्टिस्टारर फिल्म ‘एक्लो’ को आधिकारिक पोस्टर सार्वजनिक गरिएको छ ।

पोस्टरमा फिल्मका सबै कलाकार फिचर्ड छन् । हामीले पोस्टरमा प्रदीप खड्का, जेमी बेकन, विजय लामा, सुनिल थापा, दीया पुन, बेनिशा हमाल, दिनेश डीसी, कविता नेपाली, एवनराज उप्रेतीलाई देख्न सक्छौं ।

साथै, सुरजसिंह ठकुरी, त्रिचु राई, कृष्णभक्त महर्जन, विकास अधिकारी, दिग्गज खत्री, विनोद सुवेदी ‘क्षितिज’, श्रीशेष श्रेष्ठ, बालकलाकार जेमिन श्रेष्ठ र स्योन सविक सिंहको पनि अभिनय छ ।

फिल्मलाई प्रदीप शाहीले निर्देशन गरेका हुन् । अहिले बेलायतको राजधानी लन्डनमा यो फिल्मको पोस्ट–प्रोडक्सन भैरहेको छ ।

एनआरएन समूहको लगानीमा बनेको फिल्मको कार्यकारी निर्मातामा कलाकार समेत रहेका विनोद सुवेदी ‘क्षितिज’ छन् ।

छायाङ्कन बाबु श्रेष्ठले गरेका छन् । द्वन्द्व निर्देशन राजु तामाङले, सेट डिजाइन राजु पेन्टरले, कला निर्देशन सन्तोष लामाले र प्रोडक्सन डिजाइन द्रोणप्रसाद पौडेल ‘ठेउके’ ले सम्हालेका छन् ।

‘एक्लो’ १७ पुस (१ जनवरी, २०२६) मा प्रदर्शन तयारीमा छ ।