स्तरोन्नतिपछि यस्तो देखियो बेनी-जोमसोम-कोरला सडकको म्याग्दी खण्ड

News Summary

Generated by OK AI. Editorially reviewed.

म्याग्दीको बेनी–जोमसोम–कोरला सडकअन्तर्गत १९ वर्षपछि २६ किलोमिटर सडक कालोपत्र गरिएको छ।
नागढुङ्गा–कैकुखोला खण्डको ११ किलोमिटर सडक रु ६३ करोडमा कालोपत्र र ढलान गरिएको छ।
राहुघाट, बेगखोला, महभिर र पोखरेबगरमा पुल निर्माण र बेलिब्रिज जडान गरिएको छ।

१६ मंसिर, म्याग्दी । बेनी–जोमसोम–कोरला सडकअन्तर्गत म्याग्दी खण्डमा १९ वर्षपछि कालोपत्र भएको छ । बेनीदेखि मुस्ताङको सिमाना काभ्रेभिरसम्म ३३ किलोमिटरमध्ये २६ किलोमिटरमा कालोपत्र भएको हो ।

उक्त सडक आयोजनाका इन्जिनियर विष्णु चापागाईँका अनुसार सडकलाई ११ मिटर चौडा बनाएर कालोपत्र र ढलान गरिएको छ । नागढुङ्गा–कैकुखोला खण्डको १६.५ किलोमिटरमध्ये ११ किलोमिटर रु ६३ करोडमा कालोपत्र र ढलान भएको छ । राहुघाट–नागढुङ्गा खण्डको १९ किलोमिटरमध्ये १५ किलोमिटर रु ६६ करोडमा काम सम्पन्न भएको छ ।

त्यसैगरी,राहुघाट, बेगखोला, महभिर र पोखरेबगरस्थित कालीगण्डकी, दानाको घट्टेखोलामा मोटरेबल पुल निर्माण, भुरुङ्गखोला र रुप्सेखोलामा बेलिब्रिज जडान भएका छन् ।