‘कुटुम्ब’ बूढानीलकण्ठमा गुञ्जिने

News Summary

Generated by OK AI. Editorially reviewed.

नेपाली रैथाने तथा नेवारी संगीत प्रवद्र्धन गर्दै आएको चर्चित समूह 'कुटुम्ब'ले पुस २६ गते बुढानिलकण्ठमा लाइभ प्रस्तुति दिने भएको छ।
कन्सर्ट बूढानीलकण्ठ नगरपालिका-१३, चुनिखेल कौडोलस्थित २९ रिसोर्ट एन्ड फार्म हाउसमा साँझ ५ बजेबाट सुरु हुनेछ।
टिकट मूल्य ५०० रुपैयाँ तोकिएको छ र सीमित टिकटको व्यवस्था गरिएको छ, जसले दर्शकलाई शान्त, सुरक्षित र गुणस्तरीय अनुभव दिने लक्ष्य राखेको छ।

काठमाडौं । नेपाली रैथाने तथा नेवारी संगीतको प्रवद्र्धन गर्दै आएको चर्चित सांगीतिक समूह ‘कुटुम्ब’ ले बुढानिलकण्ठमा लाइभ प्रस्तुति दिने भएको छ ।

बूढानीलकण्ठ नगरपालिका-१३, चुनिखेल कौडोलस्थित २९ रिसोर्ट एन्ड फार्म हाउसमा पुस २६ गते (जनवरी १०) ‘कुटुम्ब लाइभ म्युजिक’ आयोजना हुने भएको हो ।

साँझ ५ बजेबाट सुरु हुने कन्सर्टमा ब्यान्डले नेवारी गीतसंगीतसँगै अन्य मौलिक र चर्चित रैथाने धुन पनि प्रस्तुत गर्नेछ । नेवारी रैथाने गीतसंगीतलाई राष्ट्रिय तथा अन्तर्राष्ट्रियस्तरमा चिनाउँदै आएको ‘कुटुम्ब’ को प्रस्तुति दर्शकका लागि विशेष हुने आयोजकको विश्वास छ ।

२९ रिसोर्ट एन्ड फार्म हाउसका सञ्चालक दिमेश श्रेष्ठ, किरण श्रेष्ठ, सुसान्त श्रेष्ठ र कुमार श्रेष्ठका अनुसार कन्सर्टको टिकट मूल्य ५०० रुपैयाँ तोकिएको छ ।

सञ्चालक दिमेश श्रेष्ठका अनुसार, धेरै भीडभाड नहोस् र दर्शकलाई शान्त, सुरक्षित र गुणस्तरीय सांगीतिक अनुभव दिन सकियोस् भन्ने उद्देश्यले सीमित टिकटको व्यवस्था गरिएको हो ।