स्विसकन्ट्याक्ट र सुदूरपश्चिमाञ्चल विश्वविद्यालयबीच सम्झौता

News Summary

Generated by OK AI. Editorially reviewed.

स्वीट्जरल्यान्डको सहयोग नियोग स्विसकन्ट्याक्टले सुदूरपश्चिमाञ्चल विश्वविद्यालयमा \'टीभीईटी प्रशिक्षकको व्यावसायिक विकास\' कार्यक्रमका लागि सहयोग गर्ने सम्झौता गरेको छ।
सम्झौतामा विश्वविद्यालयका उपकुलपति प्रा. डा. हेमराज पन्त र स्विसकन्ट्याक्टका देशीय निर्देशक सञ्जय कार्कीले हस्ताक्षर गरेका छन्।
स्विसकन्ट्याक्टका देशीय निर्देशक कार्कीले सम्झौताले नेपालको टीभीईटी क्षेत्रमा एक महत्त्पूर्ण कदम भएको उल्लेख गरे।

९ पुस, काठमाडौं । स्वीट्जरल्यान्डको सहयोग नियोग स्विसकन्ट्याक्टले सुदूरपश्चिमाञ्चल विश्वविद्यालयमा ‘टीभीईटी प्रशिक्षकको व्यावसायिक विकास’ कार्यक्रम सुरुवातका लागि सहयोग गर्ने भएको छ ।

यस सन्दर्भमा स्विसकन्ट्याक्ट र सुदूरपश्चिमाञ्चल विश्वविद्यालयबीच सम्झौता भएको छ । सम्झौतामा विश्वविद्यालयका उपकुलपति प्रा. डा. हेमराज पन्त र स्विसकन्ट्याक्टका नेपालस्थित देशीय निर्देशक सञ्जय कार्कीले हस्ताक्षर गरेका छन् ।

सम्झौता कार्यक्रममा ट्रेनिङ इन्स्टिच्युट फर टेक्निकल इन्स्ट्रक्सन (टीआईटीआई) का कार्यकारी निर्देशक अनुज भट्टराईको उपस्थिति थियो । टीआईटीआईले एसिया र अफ्रिकाका गरी २६ हजाभन्दा बढी प्रशिक्षक, प्रबन्धक र पाठ्यक्रम विकासकर्तालाई तालिम प्रदान गरिसकेको छ ।

सम्झौताले प्रशिक्षकलाई प्रोत्साहन गर्ने, प्राविधिक गुणस्तर अभिवृद्धि हुने तथा नेपालको प्राविधिक तथा व्यावसायिक शिक्षा तथा तालिम (टीभीईटी) क्षेत्रमा भविष्यको नेतृत्वकर्ता विकास हुने अपेक्षा गरिएको छ ।

सम्झौता कार्यक्रममा नेपालका लागि स्वीट्जरल्यान्डका राजदूत डा. ड्यानियल मिउलीले स्वीट्जरल्यान्डको विकास सहयोगप्रतिको प्रतिबद्धता झल्किएको बताए ।

त्यसैगरी स्विसकन्ट्याक्टका देशीय निर्देशक कार्कीले दुई संस्थाबीचको सम्झौताले नेपालको टीभीईटी क्षेत्रमा एक महत्त्पूर्ण कदम भएको उल्लेख गरे ।