क्यूएफएक्स प्रमुख नकिम उद्दिन उज्यालो नेपाल पार्टीको समानुपातिक उम्मेदवार सिफारिस

News Summary

Generated by OK AI. Editorially reviewed.

उज्यालो नेपाल पार्टीले चलचित्र प्रदर्शक नकिम उद्दिनलाई प्रतिनिधि सभा निर्वाचनका लागि समानुपातिक उम्मेदवारको रुपमा सिफारिस गरेको छ।
काठमाण्डौ क्षेत्र नं. ५ का अभियान प्रमुख विकास गुरुङले उद्दिनको अनुभवलाई राष्ट्रिय नीति निर्माणमा उपयोग गर्ने उद्देश्यले उनको नाम सिफारिस गरिएको बताए।
पार्टीले ११० जनाको नाम समानुपातिक उम्मेदवारको रुपमा टुंगो लगाएको छ र विभिन्न पेशागत क्षेत्रको प्रतिनिधित्व सुनिश्चित गर्ने रणनीति अपनाएको छ।

काठमाडौं । चलचित्र प्रदर्शक तथा क्यूएफएक्स सिनेमाजका प्रमुख नकिम उद्दिनलाई उज्यालो नेपाल पार्टीले प्रतिनिधि सभा निर्वाचनका लागि समानुपातिक उम्मेदवारको रुपमा सिफारिस गरेको छ ।

काठमाण्डौ क्षेत्र नं. ५ का अभियान प्रमुख विकास गुरुङका अनुसार सृजनशील उद्योग, निजी क्षेत्र र सिनेमा प्रदर्शनको क्षेत्रमा लामो समयदेखि सक्रिय रहेका उद्दिनको अनुभवलाई राष्ट्रिय नीति निर्माण तहमा उपयोग गर्ने उद्देश्यले उनको नाम सिफारिस गरिएको हो ।

‘फिल्म तथा सृजनशील उद्योग केवल मनोरञ्जनको क्षेत्र होइन, यो रोजगारी, पर्यटन र अर्थतन्त्रसँग प्रत्यक्ष जोडिएको क्षेत्र हो,” गुरुङले भने, “उद्दिनजस्ता अनुभवी व्यवसायिक व्यक्तित्वको सहभागिताले नीतिगत सुधार र परिणाममुखी राजनीतिमा सहयोग पुग्ने विश्वास पार्टीले लिएको छ ।’

फिल्म निर्माण र सिनेमा प्रदर्शनको क्षेत्रमा उल्लेखनीय योगदान दिएका उद्दिन पछिल्लो समय सामाजिक, आर्थिक तथा नीतिगत विषयमा पनि सक्रिय रहँदै आएका छन् ।

उज्यालो नेपाल पार्टीले समानुपातिक सूचीमार्फत विभिन्न पेशागत क्षेत्रको प्रतिनिधित्व सुनिश्चित गर्ने रणनीति अनुरूप उनको नाम अघि सारेको जनाएको छ ।

केन्द्रीय सदस्य तथा फिल्ममेकर श्री गुरुङका अनुसार पार्टीले ११० जनाको नाम समानुपातिक उम्मेदवारको रुपमा टुंगो लगाएको छ ।