आयोगले कांग्रेसको नयाँ समितिको नाम अपडेट गरिदिए विवाद सकिन्छ : अधिवक्ता खड्का

News Summary

Generated by OK AI. Editorially reviewed.

नेपाल बार एसोसियसनका पूर्वाध्यक्ष प्रेमबहादुर खड्काले नेपाली कांग्रेस विवाद समाधानका लागि निर्वाचन आयोगलाई सुझाव दिएका छन्।
खड्काले गगन थापा नेतृत्वको कांग्रेस उपसभापति विश्वप्रकाश शर्मासहितको टोलीसँग आधिकारिकता दाबीका लागि विवरण अध्यावधिक गर्न भनेका छन्।
उनले कांग्रेस विधानअनुसार महाधिवेशन आह्वान नगरे सजाय हुने र दलसम्बन्धी ऐन दफा ५१ अनुसार विवरण छिटो अद्यावधिक गर्नुपर्ने बताए।

२ माघ, काठमाडौं । नेपाल बार एसोसियसनका पूर्वाध्यक्ष प्रेमबहादुर खड्काले नेपाली कांग्रेसको विवाद समाधानका लागि निर्वाचन आयोगलाई सुझाव दिएका छन् ।

विशेष महाधिवेशनबाट निर्वाचित गगन थापा नेतृत्वको कांग्रेसका उपसभापति विश्वप्रकाश शर्मासहितको टोलीसँगै आधिकारिकता दाबी गर्न पुगेका उनले विवरण अध्यावधिक गरिदिन भनेका हुन् ।

‘केन्द्रीय कार्यसमितिले आवश्यक ठानेमा वा ४० प्रतिशतले आह्वान गरेमा गर्नुपर्नेछ भन्ने उल्लेख छ,’ कांग्रेसको विधानबारे जानकारी गराउँदै उनले भने, ‘महाधिवेशन माग गर्दा पनि आह्वान गरिएन भने त सजाय गर्ने व्यवस्था पनि विधानले गरेको छ । महामन्त्रीहरूले त यसलाई सम्बोधन गर्नुभएको हो ।’

उनले थप भने,’दलसम्बन्धी ऐन दफा ५१ ले महाधिवशेन सम्पन्न गर्‍यौँ। कार्यसमिति चयन गर्‍यौँ । यसअघिको कार्यसमितिको विवरण हटाएर नवनिर्वाचितको नाम राखिदिनु भनेर उहाँहरूले भन्नु भएको छ । सोहीअनुसार छिटोभन्दा छिटो विवरण राखिदिँदा विवाद हल हुन्छ ।’