तेह्रथुममा रास्वपाभित्र टिकट विवाद, सामूहिक राजीनामाको तयारी

News Summary

Generated by OK AI. Editorially reviewed.

रास्वपा तेह्रथुमले सिफारिस गरेको इञ्जिनियर सुरेन्द्र कार्कीलाई बेवास्ता गर्दै केन्द्रले रितुराज लिम्बूलाई टिकट दिएको छ।
जिल्ला नेतृत्वले पार्टी निर्णयप्रति असहमति जनाउँदै २०८२/१०/०४ सम्म सामूहिक राजीनामा दिने चेतावनी दिएको छ।
स्रोतका अनुसार सुरेन्द्र कार्कीलाई स्वतन्त्र उम्मेदवारका रूपमा चुनावी मैदानमा उतार्ने तयारी भइरहेको छ।

५ माघ, तेह्रथुम । जिल्लाबाट सिफारिस गरिएका एकल उम्मेदवार इञ्जिनियर सुरेन्द्र कार्कीलाई बेवास्ता गर्दै केन्द्रले अर्कैलाई टिकट दिएपछि तेह्रथुम रास्वपामा विवाद चुलिएको छ । निर्णय सच्याउन दबाब दिँदै जिल्लाका नेताहरूले सामहिक राजीनाको चेतावनी दिएका छन् ।

रास्वपा तेह्रथुमले प्रतिनिधिसभा सदस्य निर्वाचनका लागि इञ्जिनियर सुरेन्द्र कार्कीलाई एकल सिफारिस गरेको थियो । तर सोमबार केन्द्रले रितुराज लिम्बूलाई टिकट दिएपछि जिल्लामा असन्तुष्टि चुलिएको छ ।

जिल्ला कार्यसमितिले सिफारिस नगरेका र पार्टी गतिविधिमा संलग्नता नदेखिएका व्यक्तिलाई अचानक टिकट दिइनु पार्टीको विधि र मर्मविपरीत भएको रास्वपा तेह्रथुमले ठहर गरेको छ ।

यस निर्णयप्रति गम्भीर असहमति जनाउँदै जिल्ला नेतृत्वले मिति २०८२/१०/०४ सम्म सदस्यता लिएका सबैले सामूहिक राजीनामा दिने तयारी गरिएको जनाएका छन् ।

सिफारिस गरिएका उम्मेदवार इञ्जिनियर सुरेन्द्र कार्कीलाई स्वतन्त्र उम्मेदवारका रूपमा चुनावी मैदानमा उतार्ने तयारी भइरहेको पनि स्रोतले जानकारी दिएको छ ।

पार्टी केन्द्रको निर्णयप्रति जिल्लास्तरबाट तीव्र असन्तोष देखिन थालेपछि रास्वपाभित्र आन्तरिक विवाद थप चर्किने संकेत देखिएको छ ।