सस्तियो गोलभेँडा, किलोको कति ?

News Summary

Generated by OK AI. Editorially reviewed.

कालीमाटी फलफूल तथा तरकारी बजार विकास समितिले गोलभेँडाको भाउ एकैदिन १० देखि १३ प्रतिशतसम्म घटेको तथ्यांक सार्वजनिक गरेको छ।
भारतीय सानो गोलभेँडाको भाउ सोमबार प्रतिकिलो ८२ रुपैयाँबाट १३.१३ प्रतिशतले घटेर मंगलबार ७१ रुपैयाँ कायम भएको छ।
तराईको सानो गोलभेँडाको मूल्य १२.८६ प्रतिशतले घटेर प्रतिकिलो ८७ रुपैयाँबाट ७६ रुपैयाँ २५ पैसामा झरेको छ।

६ माघ, काठमाडौं । स्थानीय बजारमा गोलभेँडाको भाउ घटेको छ ।

कालीमाटी फलफूल तथा तरकारी बजार विकास समितिले सार्वजनिक गरेको तथ्यांक अनुसार गोलभेँडाको भाउ एकैदिन १० देखि १३ प्रतिशतसम्म घटेको छ ।

समितिका अनुसार भारतीय सानो गोलभेँडाको भाउमा सबैभन्दा धेरै गिरावट देखिएको छ । हिजो सोमबार प्रतिकिलो ८२ रुपैयाँ रहेको यसको औसत मूल्य १३.१३ प्रतिशतले घटेर आज मंगलबार ७१ रुपैयाँ कायम छ।

त्यसैगरी तराईको सानो गोलभेँडाको मूल्यमा पनि १२.८६ प्रतिशतको गिरावट आएको छ । हिजो प्रतिकिलो ८७ रुपैयाँ बिक्री भएको यो गोलभेँडा आज ७६ रुपैयाँ २५ पैसामा झरेको छ ।

स्थानीय उत्पादनतर्फ सानो गोलभेँडा (लोकल) को मूल्य १०.२० प्रतिशतले घटेर ५५ रुपैयाँ कायम भएको छ, जुन हिजो ६१ रुपैयाँ थियो । टनेलको सानो गोलभेँडा पनि ८.८९ प्रतिशतले घटेर प्रतिकिलो ८२ रुपैयाँमा कारोबार भइरहेको छ।

साना गोलभेँडाको भाउ घट्दा भारतीय ठूलो गोलभेँडाको मूल्यमा भने स्थिर छ । यसको औसत मूल्य प्रतिकिलो ९५ रुपैयाँ नै कायम रहेको तथ्यांकले देखाउँछ ।